Айсен Николаев Саха сирин тирэх пууннарын аһарар кыаҕын улаатыннарарга сорудахтаата

Айсен Николаев анал байыаннай дьайыы зонатыгар оробуочай сырыытын кэмигэр ДНӨ уонна ЛНӨ Саха сирин тирэх пууннарын  иһинэн аһарар кыаҕын улаатыннарарга сорудахтаата.

«Бу сорук Саха сиригэр  байыаннай тиэхиньикэни, ол иһигэр «Якт Сокол» квадроцикллары, матаһыыкыллары уонна РЭБ сириэстибэлэрин оҥорон таһаарыыта үрдээбитинэн туруорулунна»,-диэн иһитиннэрдэ тирэх пууннар кылаабынай координатора Юстас. Кини этэринэн, тирэх пууннар үлэһиттэрэ Ил Дархан  бырагырааматынан ДНӨ нэһилиэнньэлээх пууннарыгар мунньахтары ыытыыны, байыаннай полигоннарга сэргэх көрсүһүүлэри, атын соруктары толорууну хааччыйбыттар. Бу кэмҥэ зонаҕа икки муниципальнай оройуон дэлэгээссийэтэ үлэтин салгыыр.

Санатан эттэххэ, Айсен Николаев байыастарга квадроцикллары, РЭБ кэмпилиэктэри уонна улахан гуманитарнай көмө  баартыйатын тиксэрбитэ, ону таһынан «Восток» бөлөх командованиетын кытта кэккэ көрсүһүүлэри ыыппыта. Итини кытта Докучаевскайга өрөмүөннүүр- чөлүгэр түһэрэр үлэ хаамыытын бэрэбиэркэлээбитэ.