Айсен Николаев Саха сирин ыччатын кытта «Питер-Дьокуускай» телемост кэмигэр кэпсэттэ

Ил Дархан  Айсен Николаев  Петербурдааҕы норуоттар икки ардыларынааҕы экэнэмиичэскэй пуорум иитинэн, бэс ыйын 14 күнүгэр «Экспофорум»  киинигэр «Место встречи VK» интерактивнай зонаҕа сырытта.

«Питер-Дьокуускай» телемост кэмигэр Ил Дархан Саха сирин ыччатын кытары кэпсэттэ. Ыччаттар Айсен Сергеевиһы кытары төрөөбүт тылларынан кэпсэттилэр.

«ВКонтакте саҥа технологиялары тарҕатыыга  үлэлиир.  Саха сирэ маннык интерактивнай  зона туруоруллубут эрэгийиэннэр истэригэр киирбитэ олус үчүгэй. Цифровой технологиялар көмөлөрүнэн эрэгийиэннэр бэйэ-бэйэлэригэр чугаһаан биэрэллэр. Пуорумҥа Саха сирин ыччата креативнай индустрияны киллэриигэ инники күөҥҥэ сылдьар диэн кэпсэтэллэр. Мин өрөспүүбүлүкэ ыччатынан киэн туттабын», – диэн   трансляция кэмигэр  Айсен Николаев эттэ.

Санатан эттэххэ,  VK эбии стендэтэ Петербурдааҕы экэнэмиичэскэй пуорумҥа туруоруллубута. Онон, пуорум ыалдьыттара эрэгийиэннэри кытары кэпсэтэр кыахтаммыттара.