Хаартыска: Андрей Сорокин, СИА.
Атырдьах ыйын 19 күнүгэр Ил Дархан Айсен Николаев СӨ бырабыыталыстыбатын чилиэннэрин уонна бэйэтин дьаһалтатын салалтатын кытта мунньахтаата.
Ил Дархан байыаннай дьайыы сиригэр оробуочай сырыытынан уонна “Армия-2024” байыаннай-тиэхиньиичэскэй пуорумҥа кыттыытынан түмүктэри оҥордо.
“Байыаннай дьайыы буола турар сиригэр Саха сириттэн оборудованиены, малы, тиэхиньикэни ыытарга уларыйыы киириэн наада. Байыаннай дьайыы наадатыгар барар таһаҕаһы түргэнник ыытан иһиэххэ, быһаарыыны ылынарга сөбүлэҥ болдьохтору адьас аччатыахха”, — диэн соругу туруорда.
Сүбэ мунньахха өрөспүүбүлүкэ социальнай-экономическай туругун, ону кытта федеральнай уонна эрэгийиэннээҕи бырагыраамалар туолан иһиилэрин дьүүллэстилэр. Ил Дархан миниистирдэри саҥа үөрэх дьылыгар, итиини биэриигэ, хотугу улуустарга таһаҕас таһыытыгар, сүөһү аһын бэлэмниир хампаанньаны түмүктүүр үлэлэри күүһүрдэллэригэр соруйда.
“Саҥа үөрэх дьыла саҕаланыа уонтан тахса күн хаалла. Туох баар оскуола өрөмүөнэ, саҥа тутуллар оскуолалары тутуу болдьоҕор бүтүөхтээхтэр. Оҕоҕо куттал суох буолуутун хааччыйар, оскуолаларга тиэрдэр суоллары кытта сибээстээх соруктары уталыппакка толорон иһиэххэ наада”, – диэн ыйда Ил Дархан.
Итиини биэрии сезонугар төһө бэлэмнээхпитин быһаарсарга, Айсен Николаев Аллайыаха, Анаабыр, Аллара Халыма, Булуҥ улуустарыгар ититэр сезон хайыы-үйэ саҕаламмытын эттэ.
“Өрөспүүбүлүкэҕэ итиини биэриигэ ОДьКХ уонна итиинэн биэрэр эбийиэктэр толору бэлэмнээх буолуохтаахтарын хааччыйыахха”, – диэтэ Айсен Николаев.
Кини Дьокуускайга управляющай хампаанньалар газовай оборудование тиэхиньиичэскэй диагностикатын ыыттарыыга уонна элбэх кыбартыыралаах дьиэлэри гааска холбуурга анал тэрилтэлэри кытта дуогабар түһэрсиилэрэ намыһаҕар болҕомтотун уурда.
Айсен Николаев сүөһү аһын бэлэмниир хампаанньаны этэҥҥэ түмүктүүргэ бары миэрэлэри ылары модьуйда. Хас да улууска түмүктүүр түһүмэххэ кэлэн графиктан хаалыы баарын бэлиэтээтэ.
“Быйыл оннук айылаах айылҕа өттүттэн мэһэй тахсыбата, улуус салалталара уонна тустаах министиэристибэ тэрээһин үлэни хайаан да күүһүрдүҥ”, – диэн тоһоҕолоон бэлиэтээтэ Айсен Николаев.
Сүбэ мунньахха маны таһынан суолталаах уопсастыбаннай-бэлитиичэскэй тэрээһиннэри ыытыыны, Дьокуускай маастар былаанын олоххо киллэриини дьүүллэстилэр, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.
Атырдьах ыйын 5 күнүттэн «Якутия» авиахампаанньа Уус Ньара аэропордун үлэтин тохтоппута. Төрүөтэ – көтөр-түһэр балаһа…
Туос барыта көнө, эриэ-дэхси буолбат. Көнө ньуура суох туоһу ууга илитэн баран, мас эбэтэр ынах…
"Саха сирэ -- дьоруойдар дойдулара" бырагыраама курсаана өрөспүүбүлүкэ сүрүн биэдэмистибэлэригэр стажировкаланна. Каадыр бырагырааматын кыттыылааҕа Владимир…
Атырдьах ыйа. Төһө даҕаны халлаан сылааһын иһин, сөтүө тохтоон, халлаан сөрүүкээн барар. Күһүҥҥү кэм барыта…
Бэҕэһээ, атырдьах ыйын 19 күнүгэр, Дьокуускайтан байыастарга гуманитарнай көмө уочараттаах баартыйата барбыт. Бу байыаннай дьайыы…
2025 сыл саҕаланыаҕыттан Дьокуускай--ДНӨ хайысханан тырааныспар хампаанньалара таһаҕас тиэрдиитигэр 34 айаннаабыттар, 117 тиэхиньикэни тиэрдиллибит. Бу…