СӨ Ил Дарханын уонна Бырабыыталыстыбатын пресс-сулууспата
Эрэгийиэн инвестиционнай болҕомтотун үрдэтии тутаах хайысхаларынан Ил Дархан Айсен Николаев уонна Уһук Илиҥҥи федеральнай уокурукка саҥа бырайыактары олоххо киллэриигэ стратегическай көҕүлээһин ааҕыныстыбатын салайааччы — тэрилтэ генеральнай дириэктэрин сүбэһитэ Ольга Курилова дьүүллэстилэр.
Саха сирэ Арассыыйа биэс бастыҥ эрэгийиэнин биисинэскэ регуляторнай эйгэтин туругунан уопсай национальнай рейтиҥҥэ 14-с миэстэни ылар. Ольга Курилова бу урбаан усулуобуйатын тупсарыыга былаас уорганнарын көдьүүстээх үлэтин туоһута буоларын эттэ.
«Биһиги Российскай Федерация эрэгийиэннэрин инвестициялааһыҥҥа бастакы уон рейтиҥҥэ киирэр соруктаахпыт. Бу сыалы ситиһэргэ дьыалабыай килиимэт тиһигин тупсарыыга туһуламмыт биир кэлим былаан оҥоһулунна. Административнай мэһэйдэри туоратыы уонна процедуралары оптимизациялааһын суотугар инвестицияны тардыыга, административнай мэһэйдэри туоратыыга, үлэ ресурсаларын сайыннарыыга уонна дьоҕус, орто биисинэскэ судаарыстыба өйөбүлүн араас көрүҥнэрин кэҥэтиигэ үлэлэһиэхпит», — диэн бэлиэтээтэ Ил Дархан.
Өрүттэр санааларынан, рейтиҥҥэ муниципальнай таһымҥа биисинэһи кытта үлэни киллэрии, чуолаан, муниципалитеттар баһылыктарыгар урбаан сэбиэттэрин кытта үлэни киллэриэххэ наада.
Көрсүһүүгэ олоххо киирэр бырайыактары, ол иһигэр Стратегическай инициативалар ааҕыныстыба өйүүр бырайыактарын дьүүллэстилэр. Бырайыактартан биирдэстэрэ — «Туундара» анимация устуудьуйата ТОП-10 иһигэр киирбит.Ол иһигэр «Сильные идеи для нового времени» пуорум уонна Арассыыйа брендтарын үүнэриигэ «Знай наших» куонкурус. Билигин куонкуруска сайаапкалары хомуйуу ыытыллар.
«Биллэн турар, биһиги саҥа хайысхалары көрдүүбүт, тоҕо диэтэххэ, Саха сирэ араас трендарынан пилотнай апробациялааһыҥҥа мэлдьи киирэрэ саарбаҕа суох. Саха сирэ күүстээх идиэйэлэри, бырайыактары өйөөһүн ахсааныгар лидердэртэн биирдэстэрэ, ордук ыччат бырайыктарын хайысхатыгар. Бырайыактар федеральнай таһымҥа эрэ буолбакка, эрэгийиэн таһымыгар сөптөөх көмөнү булалларын күүтэбит», — диэтэ Ольга Курилова. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Ыалбыт Ылдьаана хотуттан айгыстан, айманан кэллэ. Уонча хонукка туундараҕа саас кэлиитин көрө диэн көппүтүн сураҕын…
Бүгүн, бэс ыйын 1 күнүгэр, Дьокуускайга Өрөспүүбүлүкэ болуоссатыгар Улуу Кыайыы 80 сылынан дуобаттаатылар. Дуобатчыттарга ураты…
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин…
Тина Николаевна Лебедева — Саха АССР үтүөлээх бырааһа, Арассыыйа Федерациятын үтүөлээх учуутала, Бочуот уордьанын кавалера, СӨ…
О.П.Иванова - Сидоркевич аатынан Амматааҕы айар сайдыы киинэ сылын аайы үгэскэ кубулуйбут «Хотугу кустук» Амма…
Бэс ыйа -- от-мас, сир симэҕэ тиллэр, чыычаах ыллыыр, сайын саҕаланыыта, үрүҥ түүн түһүүтэ. Норуот…