Хаартыска: SakhaGov
Ил Дархан Айсен Николаев “Создавая будущее” норуоттар икки ардыларынааҕы симпозиум чэрчитинэн «Вселенная героев как условие развития многополярного мира» пленарнай дискуссияҕа кытынна.
Тэрээһиҥҥэ арҕаа дойдулар соҥнуур идеологияларын утарсар туһугар күүһү хайдах түмэр уонна “вселенная героев” тэрийэр туһунан кэпсэттилэр.
Айсен Николаев эппитинэн, Арассыыйа култууратын сүрүн күүһүнэн кини баай устуоруйата уонна үгэстэрэ, төрүттэрэ: саха олоҥхото, дойду атын норуоттарын номохторо буолаллар. Номохтор аныгы дьоруойу: төрөөбүт дойдутугар бэриниилээх хорсун буойуну көрдөрөллөр. Онуоха доҕордуу судаарыстыбалары кытары бииргэ үлэлээһини дириҥэтии улахан суолталаах.
«Хас биирдии дойду, хас биирдии ааптар бэйэтин дьоруойдарын, бэйэтин бэрэстэбиитэллэрин аан дойдуга биллэрэргэ уопсай кыахтары туһанарын туһугар аан дойду барыбытыгар аһаҕас буолуохтаах дии саныыбын. Ол курдук, биһиги бу “аан дойдуну” оҥорорго хааччаҕа суох элбэх ахсааннаах ааптардары тардар кыахтаныахпыт. Доҕордуу дойдулары, Кытайы, Индияны киллэрэн туран, күүспүтүн холбооһун саҥа көлүөнэлэргэ наадалаах дьоруойдар баар буолалларын көҕүлүөҕэ”, — диэн Ил Дархан бэлиэтээн эттэ.
Айсен Николаев сайдыылаах кинематографтаах уонна баай култуурунай үгэстэрдээх Саха сирэ бу дьоһуннаах үлэҕэ бэйэтин кылаатын киллэрэргэ бэлэмин эттэ.
«Создавая будущее» норуоттар икки ардыларынааҕы симпозиум Владимир Путин сорудаҕынан аһыллыбыт “Арасыыйа” Национальнай кииҥҥэ буола турар. Пуорумҥа учуонайдар уонна чинчийээччилэр, футурологтар, фантаст-суруйааччылар, былаас уорганнарын бэрэстэбиитэллэрэ кытталлар. Аһаҕас кэпсэтии чэрчитинэн киһи аймах сайдыытын сценарийдарын уонна аныгы кэм ыҥырыыларын дьүүллэһэллэр.
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин үлэһиттэрин биригээдэтэ 2024 сыл саҕаланыаҕыттан өрөспүүбүлүкэ 13 улууһугар…
Кырдьаҕас Табаҕа таһынан Өлүөнэ өрүһү туоруур муоста тутуута кыһыҥҥы кэми аахсыбакка бара турар. [gallery ids="168010,168011,168012,168013,168015"]…
Бэйиэт, Арассыыйа Суруйааччыларын сойууһун чилиэнэ, "Алта" кинигэ кыһатын салайааччы, СӨ бэчээтин туйгуна Зинаида Архипова "Көс…
Сергей Зверев-Кыыл Уола аатынан Үҥкүү тыйаатыра сэтинньи 14 күнүгэр Өксөкүлээх Өлөксөй аатынан Норуоттар доҕордоһууларын дьиэтигэр …
Үлэ тэрилтэлэрин каадырга отделлара сэтинньигэ-ахсынньыга эһиилги сылга уоппуска графигын оҥороллор. Уоппуска төлөбүрэ хайдах оҥоһулларый? Уоппуска…
Сэтинньи 13-22 күннэригэр Сылдьыһыынан бэриллэр инфекционнай ыарыылары (ИППП) сэрэтэр үлэ дэкээдэтэ биллэрилиннэ. Өрөспүүбүлүкэтээҕи тирии-венерологическай диспансер…