Андрей Сорокин (ЯСИА) хаартыскаҕа түһэриитэ.
Арассыыйаҕа саамай киэҥ далааһыннаах национальнай бырааһынньык – Туймаада ыһыаҕа Дьокуускай куорат Үс Хатыҥ сиригэр-уотугар быйыл 28-с төгүлүн ыытыллар.
Быйылгы тэрээһин Аҕа дойду Улуу сэриитигэр Кыайыы 80 сылыгар, Арассыыйаҕа Аҕа дойдуну көмүскээччи уонна Саха сиригэр Ийэ дойдуну көмүскээччи сылыгар ананна.
«Туймаада ыһыаҕа – биһиги өрөспүүбүлүкэбит киэн туттуута, бу улуу Арассыыйа бүтүн сиригэр-уотугар саамай бөдөҥ национальнай бырааһынньыга. Туймаада Ыһыаҕа Кыайыы 80 сылыгар анаммыта ураты суолталаах. Биһиги Аҕа дойду Улуу сэриитигэр кыайыыны аҕалбыт аҕа көлүөнэҕэ, кыайыылаахтарга ытыктабылбытын уонна сүгүрүйүүбүтүн биллэрдибит. Бу бырааһынньык арыллыытын кэнсиэпсийэтигэр көһүннэ», – диэн национальнай бырааһынньык арыллыытын сиэрин-туомун кэнниттэн Айсен Николаев пресс-подходка эттэ.
Ил Дархан анал байыаннай дьайыы зонатыгар сэриилэһэ сылдьар байыастарбытыгар алгыс тыллара тиэрдиллибиттэрин тоһоҕолоон бэлиэтээтэ.
«Бүгүн этиллибит алгыс, биһиги үтүө эниэргийэбит байыастарга күүһү-уоҕу, хорсун санааны эбиэ. Кинилэр кыайыыны чугаһатан уонна тыыннаах, доруобай дьиэлэригэр эргиллиэхтэрэ диэн эрэнбин. Сотору кэминэн манна бары бииргэ Кыайыы оһуохайын түһэриэхпит диэн итэҕэйэбит», – бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…
Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…
Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…
Дьокуускай куорат "Арчы" духуобунай киинин үлэһитэ, алгысчыт, ырыаһыт, мэлдьи дьоҥҥо-сэргэҕэ сырдыгынан сыдьаайа сылдьар Петр Кычкин,…
“Саха сирэ” хаһыат үүт соҕотуопкатын боппуруоһун болҕомто киинигэр өрүү тутар. Ааспыт нэдиэлэҕэ “Үүт харчыта төлөннөҕүнэ,…
Олунньу 13 күнүгэр Ил Түмэн уонна Луганскай Норуодунай Өрөспүүбүлүкэ Норуодунай Сүбэтэ парламеннар икки ардыларынааҕы сибээһи…