СӨ Ил Дарханын уонна Бырабыыталыстыбатын пресс-сулууспата
Креативнай индустриялары сайыннарыы кэскилин Ил Дархан Айсен Николаев уонна «СТВ» киинэ хампаанньата салайааччыта, Киинэ уонна тэлэбиидэнньэ продюсердарын Ассоциациятын бырабылыанньатын бэрэссэдээтэлэ Сергей Сельянов дьүүллэстилэр.
Ыалдьыт креативнай индустрия пуорумҥа ыалдьыттыыр. Ону таһынан кини «Саха» НКИХ «Тооку» аниматордарыгар маастар-кылааһы ыытта уонна үлэлэрин үрдүктүк сыаналаата.
«Манна мин 2000-с сыллар саҕаланыыларыгар «Сахафильм» хампаанньаҕа сылдьыбытым. Бастакы киинэлэри оҕолор видеоҕа усталлара. Билигин өрөспүүбүлүкэ Москуба кэнниттэн иккис миэстэни ылар, оннооҕор Петербург киинэлэрин ахсаанынан куоһарар. Дьиҥинэн манна бу хайысхаҕа үлэлии- хамсыы сылдьар бэртээхэй талааннаах дьоннор бааллар», — диэн Сергей Сельянов бэлиэтээтэ.
Өрүттэр киинэ оҥорон таһаарыы эйгэтигэр салгыы бииргэ үлэлээһин былааннарын, быйыл сэтинньигэ Дьокуускайга куоракка аан бастакы индустрия контенын тутаах хайысхаларынан норуоттар икки ардыларынааҕы Global Entertainment Market аһаҕас ырыынагын дьүүллэстилэр.
Сергей Михайлович Сельянов — Сэбиэскэй уонна Арассыыйа киинэ режиссера, сценарист уонна продюсер. «СТВ» киинэ хампаанньатын салайааччыта, «Мельница» анимационнай киинэ устуудьуйатын салайааччыта. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
Ыалбыт Ылдьаана хотуттан айгыстан, айманан кэллэ. Уонча хонукка туундараҕа саас кэлиитин көрө диэн көппүтүн сураҕын…
Бүгүн, бэс ыйын 1 күнүгэр, Дьокуускайга Өрөспүүбүлүкэ болуоссатыгар Улуу Кыайыы 80 сылынан дуобаттаатылар. Дуобатчыттарга ураты…
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин…
Тина Николаевна Лебедева — Саха АССР үтүөлээх бырааһа, Арассыыйа Федерациятын үтүөлээх учуутала, Бочуот уордьанын кавалера, СӨ…
О.П.Иванова - Сидоркевич аатынан Амматааҕы айар сайдыы киинэ сылын аайы үгэскэ кубулуйбут «Хотугу кустук» Амма…
Бэс ыйа -- от-мас, сир симэҕэ тиллэр, чыычаах ыллыыр, сайын саҕаланыыта, үрүҥ түүн түһүүтэ. Норуот…