Росавиация пресс сулууспата
Саха сирин Ил Дархана РФ Тырааныспарка министиэристибэтигэр көрсүһүүтүгэр Саха сирин олохтоохторугар субсидиялаах билиэттэри уонна Зырянка аэропуордун тутуутун туруоруста.
“Транспорт России” норуоттар икки ардыларынааҕы пуорум кэмигэр Саха сирин баһылыга Айсен Николаев Салгын тырааныспарын федеральнай ааҕыныстыбатын (Росавиация) салайааччытын Дмитрий Ядровы уонна Арассыыйа тырааныспарын миниистирин солбуйааччы Валентин Ивановы кытта көрүстэ. Кинилэр эрэгийиэн авиационнай инфраструктуратын дьүүллэстилэр.
Көрсүһүү сүрүн тиэмэтинэн Зырянка бөһүөлэгин аэропуордун саҥа былаһааккаҕа тутуу тула буолла. Эрэгийиэн баһылыга бу бырайыак Үөһээ Халыма оройуонун олохтоохторугар тыын суолталааҕын санатта. Ол курдук, сааскы халаан кэмигэр көтөр-түһэр балаһа ууга баран, уһун кэмҥэ авиациянан сырыы харгыстанарын эттэ.
Зярянкаҕа аэропуорду уу ылбат сиригэр тутуу Полярнай уонна Ньурба аэропуортарын саҥардан оҥорууну сэргэ 2026 сылтан 2030 сылга диэри дойду Бэрэсидьиэнэ Владимир Путин көҕүлээбит “Көдьүүстээх тырааныспар ситимэ” национальнай бырайыак “Развитие опорной сети аэродромов” федеральнай бырайыак чэрчитинэн торумнаммыта.
Кэпсэтии кэмигэр маны тэҥэ өрөспүүбүлүкэ авиация салаатын тэрилтэлэрин өйөөһүнү уонна тирэхтээхтик сайыннарыыны көрдүлэр. Чуолаан, хоту аэропуортар ситимнэрин үлэлэрин көдьүүстээх оҥорууну үрдэтиини.
“Кинилэр үчүгэйдик үлэлииллэрин туһугар тиэхиньикэни саҥардыы уонна “Аэропорты Севера» тэрилтэни эбии өйөөһүн ирдэнэр. Бу өрөспүүбүлүкэ авиационнай ситимин туруктаах оҥорууга суолталаах усулуобуйа”, — диэтэ Айсен Николаев Мах национальанй мессенджергэ бэйэтин ханаалыгар.
Субсидиялаах тиэйиигэ уонна эрэгийиэннэр икки ардыларынааҕы маршруттарга анал тарыыптары индексацяиялааһын, Дьокуускай пуордун инники үлэтин туһунан эмиэ кэпсэттилэр.
“Авиация өрөспүүбүлүкэҕэ ураты оруоллаах. Ыраах оройуоннары кытта ситимниир, дьоһун суолталаах эйгэлэр үлэлэрин өйүүр”, — диэтэ Ил Дархан көрсүһүү түмүгүнэн. – Бары быһаарыылар олохтоохторго көтүүгэ тиксимтиэ буолууну хааччыйыахтаахтар”.
“Көдьүүстээх тырааныспар ситимэ” нацбырайыагынан Өлүөхүмэ аэропуордун саҥардыы үлэтэ салҕаныаҕа, ону тэҥэ 2027 сылга түмүктэниэхтээх Мииринэй к. аэропуорт саҥа комплексын тутуу.
2019 сылтан 2024 сылга диэри “Комплексный план модернизации и расширения магистральной инфраструктуры до 2024 года” национальнай бырайыак “Развитие региональных аэропортов” федеральнай бырайыагынан өрөспүүбүлүкэҕэ 11 аэропуорт комплексын саҥардыы түмүктэммитэ: Дьокуускай, Черскэй, Эдьигээн, Хаандыга, Белай Гора, Үөһээ Бүлүү, Бүлүү, Депутатскай, Сангаар, Нерюнгри, Уус Ньара.
sakha.gov.ru
Росавиация пресс-сулууспатын хаартыската
Сиһилии: https://www.sakha.gov.ru/news/15595
Мэдиссиинэ тэрилтэлэригэр бэйэ доруобуйатын көрдөрө сылдьыы ханнык баҕарар ыарыыны эрдэ буларга туһалаах. Ыарыы сибикитэ төһөнөн…
2026 сылтан Дьокуускайга саҥа технология — оҥоһуу өй (ИИ) киирэрин, ол административнай буруйу уонна кутталлаах…
Чурапчы улууһугар "Боотур Уус" стадиоҥҥа пневматическай бинтиэпкэнэн сыалы ытыыга күрэхтэстилэр. Бу туһунан "Аҕа дойдуну көмүскээччилэр"…
Мас кырыыһаны уоттан көмүскүүр ньыма Көлөппүнэ эбэтэр лүөн арыытыгар убатыллыбыт испиэскэ 3 өлүүтэ уонна бытархай…
Чувашия киин куоратыгар Чебоксарыга ССРС норуодунай артыыската Вера Кузьмина аатынан "Чĕкеç" ("Ласточка") национальнай тыйаатырдар эрэгийиэннэр…
Горнай улууһуттан Атамай нэһилиэгин ыччата Үөһээ Бүлүүгэ Өргүөккэ уонна Ороһуга баран гостуруоллаан кэллибит. Маннык айан-сырыы…