Айсен Николаев Сунтаар байыаһыгар массыына ыларыгар көмөлөстө

Ил Дархан Айсен Николаев Сунтаар байыаһыгар массыына ыларыгар көмөлөстө. Ол туһунан кини телеграм-ханаалыгар суруйар.

«Соторутааҕыта Сунтаар сэлиэнньэтигэр сылдьан, байыаннай сулууспалаах Анатолий Семенов төрөппүттэригэр сылдьыбытым. Онно Анатолий Васильевич уонна Матрена Иннокентьевна уолларыгар УАЗ массыына ыларыгар көмөлөһөргө көрдөспүттэрэ. Бу соторутааҕыта Анатолий сулууспалыыр чааһыгар «УАЗ-патриот» массыына тиийбитин туһунан иһиттим. Байыастар көмө иһин махтаннылар, үөрбүттэр», — диэн Ил Дархан суруйар.