Айсен Николаев Сунтаар улууһугар үлэлиир

Бүгүн, олунньу 14 күнүгэр, СӨ Ил Дархана Айсен Николаев Сунтаар улууһугар үлэлиир.

«Мин «туустаах хостоох» өрөспүүбүлүкэ оскуолаларыгар уонна уһуйааннарыгар элбэхтэ сылдьыбытым. Аҥаардас ааспыт сылга алта оройуоҥҥа уонна «Абырал» санаторийга 15 маннык хос оҥоһуллубута. «Туустаах хос» киһи доруобуйатыгар туһалаахтык дьайар, оҕо ОРВИ-нан ыалдьара аҕыйыыр. Бүгүн ол тууһу оҥорон таһаарар хампаанньаҕа — Кэмпэндээйитээҕи туус хампаанньатыгар сырыттым», — диэн Айсен Сергеевич телеграм-ханаалыгар суруйар.

«Кэмпэндээйи тууһа — Сунтаар улууһун дьиҥнээх брендэ. Кини туһунан сибиэдэнньэлэри 1781 сыллаахха императрица Екатерина II илии баттаабыт «Туус туһунан устаабыгар» көрүөххэ сөп», — диэн Ил Дархан бэлиэтээн суруйар.