Хаартыска: Андрей Сорокин.
Айсен Николаев Сунтаар улууһун отчуттарын кытта көрүстэ. Ил Дархан Сунтаар сэлиэнньэтиттэн чугас, Иван Петров уонна Михаил Тимофеев дьиэ кэргэттэрэ оттуур “Бэрэҕэ” сырытта.
Ил Дарханы кытта кэпсэтии кэмигэр Петровтар уонна Тимофеевтар номнуо 80 урулуону бэлэмнээбиттэрин уонна үс кэбиһиилээх оту туруорбуттарын туһунан эттилэр. Кинилэр бэйэлэрин хаһаайыстыбалын хааччыйалларын таһынан, атыттарга эмиэ көмөлөһөллөр. Аттынааҕы учаастакка үлэлиир Николай Павлов эмиэ кэпсэтиигэ кытынна.
Кинилэр быйыл ардахтаах буолан оттооһун судургута суоҕун этэллэр. Бүтэһик күннэргэ төһө даҕаны итии күннэр турдаллар, сорох уу ылбыт сирдэртэн уута түспэт, сири тупсарар үлэ барара ирдэнэр. Олохтоохтор кооперациялааһыны күүһүрдэр, уопсай хотоннору тутар, ыччаты, оҕону оту бэлэмнээһиҥҥэ сыһыарар ирдэнэр дииллэр.
Улуус тыатын хаһаайыстыбатын управлениета иһитиннэрбитинэн, былырыын мелиоратор ыстаата көрүллүбүт эбит, быйылгыттан исписэлиис үлэтин саҕалаабыт, тыа хаһаайыстыбатын сирдэриттэн ууну ыытар тэрээһиннэр былааннаналлар.
“Сунтаар улууһа – өрөспүүбүлүкэҕэ тыа хаһаайыстыбатынан дьарыктанар улахан улуустартан биирдэстэрэ. Манна бэриллибит боломуочуйа иитинэн үлэ хайысхата кэҥээбит. Сири тупсарар үлэни бэйэлэрин күүстэринэн тупсарар былааннаахтара үчүгэй” – диэн Айсен Николаев хаһаайыстыба баһылыктарын кытта кэпсэтии кэнниттэн эттэ.
Өрөспүүбүлүкэ тыатын хаһаайыстыбатын министиэристибэтэ сири тупсарар үлэни ыытыыга экскаватор көрүөҕэ.
Сунтаар улууһугар оттооһун былаана 34 тыһ. туонна, итинтэн 29,5 тыһ. туоннаны бэлэмнииллэрэ сабаҕаланар, ити былаантан 87% буолар. Күн бүгүн 19 тыһ. туоннаны (56%) оттообуттар.
Бу туһунан Ил Дархан уонна Бырабыыталыстыба пресс-сулууспата суруйар. Салгыы манна ааҕыҥ.
Ааспыт өрөбүл күннэргэ полицияҕа түөкүттэргэ түбэспит Саха сирин икки олохтооҕо сайабылыанньа суруйбут. Хоромньу уопсай суумата…
Дьокуускайга Михаил Николаев аатынан 40 нүөмэрдээх оскуолаҕа “Ыччат уонна оҕолор” национальнай бырайыак чэрчитинэн “Зимняя школа…
РФ бырабыыталыстыбатын бэрэссэдээтэлин солбуйааччы, Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев Уһук Илин социальнай-экэнэмиичэскэй сайдыытын…
Саха сирин экэниэмикэтигэр 723 миллиард солкуобайдаах инвестиция киллэрилиннэ. Ол туһунан Айсен Николаев Уһук Илиҥҥи эрэгийиэннэр…
Бүгүн, тохсунньу 26 күнүгэр, СӨ Үлэҕэ уонна социальнай сайдыыга миниистирин бастакы солбуйааччыта Альбина Трубина өрөспүүбүлүкэ…
Дьокуускай куорат 3 №-дээх полициятын отделын дьуһуурунай чааһыгар эр киһи 5 тыһыынча солкуобайын уонна суотабай…