Айсен Николаев сылгыны үөрдээн иитии кэскиллээҕин бэлиэтээтэ

Амма улууһугар оробуочай сырыытын кэмигэр Ил Дархан Айсен Николаев «Давидофф» сылгыны иитэр тэрилтэ генеральнай дириэктэрэ, өрөспүүбүлүкэ мас-рестлиҥҥэ федерациятын бэрэсидьиэнэ Анатолий Баишевы кытта көрүстэ.

Анатолий Баишев Ил Дархаҥҥа хаһаайыстыбатыгар 400 сылгы, 4 үлэһит баарын кэпсээтэ. Бу тэрилтэ «Сылгыһыт күрэҕин» икки төгүллээх кыайыылааҕа. Быйыл 1,5 тыһ. туонна оту бэлэмниэхтэрэ.
Айсен Николаев сылгыны иитии эрэгийиэҥҥэ тыа хаһаайыстыбатын сүрүн хайысхаларыттан биирдэстэрэ буоларын эттэ.
Көрсүһүүгэ ат сүүрүүтүгэр Забайкальеттан кэлбит ыалдьыттар кытыннылар.
Санатан эттэххэ, Саха сиригэр 182 тыһыынча сылгы иитиллэр уонна Арассыыйаҕа бастакы миэстэбит.