Андрей Сорокин (СИА) хаартыскалара
Ил Дархан Айсен Николаев бырабыыталыстыба чилиэннэрэ кыттыылаах сүрүн суолталаах ыйаахтар туолууларын хаамыытын туһунан сүбэ мунньаҕы ыытта.
Сүрүн дакылааты СӨ Баһылыгын уонна Бырабыыталыстыбатын дьаһалтатын Уларытыылары киллэриигэ департаменын салайааччыта Наталья Членова уонна СӨ экэниэмикэтин миниистирэ Майя Данилова оҥордулар.
Өрөспүүбүлүкэ баһылыга Айсен Николаев эрэгйииэн сайдыытыгар саҥа сүрүн суолталаах инники турар дьаһал наадатын бэлиэтээтэ.
«Сүрүн суолталаах ыйаахтар олоххо киириилэрин түмүгүн таһаарар, ону сэргэ инники соруктары туруорар кэм кэллэ. Биһиэхэ билигин ис уонна тас эйгэҕэ биллэр-көстөр усулуобуйаны уларытыы бара турар», –диэтэ Айсен Сергеевич.
Онно сыһыаннаах министиэристибэлэр уонна биэдэмистибэлэр билиҥҥиттэн сүрүн суолталаах ыйаахтары олоххо киллэриигэ инники соруктарга бэйэлэрин сыһыаннарын уларытыахтаахтар.
«Туруоруллубут соруктар сөптөөх ресурсанан хааччыйар туһуттан инники өттүгэр көдьүүстээҕин көрөн хайысхалары чопчу көрүөхтээхтэр. Саха сирин курдук киэҥ-куоҥ сир сүрүн соруга уонна ону быһаарарга сөптөөх сыһыаны эрэйбэккэ сайдар кыаҕа суох», – диэн Айсен Николаев бэлиэтээтэ.
Кини кыһалҕалаах кэккэ боппуруостар баалларын ыйда, дьаһаллары олоххо киллэрэргэ мониторинг уонна хонтуруол сүрүн методикатын тупсарыы наадатын бэлиэтээтэ. Ону сэргэ кини этэринэн, сүрүн суолталаах ыйаахтар туолууларын көрдөрүүнү түмүгүн тэҥнээн көрүүнү ситэрии наадата ирдэнэр.
Айсен Николаев инновационнай уонна цифровой сайдыы туһунан ыйааҕы олоххо киллэрии көдьүүстээҕин бэлиэтээтэ. Бүгүн өрөспүүбүлүкэ 90% нэһилиэнньэтэ түргэн интэриниэккэ холбонон олорор, IT-паарка тэрилиннэ, сөптөөх инфраструктура сайдар. Кини ити хайысха сүрүн соруктарынан цифровой трансформация уонна креативнай экэниэмикэ сайдыыта буолаллар диэн бэлиэтээтэ.
СӨ Ил Дарханын уонна Бырабыыталыстыбатын пресс-сулууспата
Ааспыт сууккаҕа Саха сиригэр түөрт буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Дьокуускайга 1 №-дээх полиция отделыгар икки киһи бэлисипиэттэрин уордарбыттарын туһунан сайабылыанньа суруйбуттар. Холуобунай ирдэбил үлэһиттэрэ…
Саха сирин социальнай көмүскэлин эдэр исписэлиистэрин кытта үөрэх сүлүөтүн иитинэн, бу салаа фундаментальнай сыаннастарын дьүүллэстилэр.…
Күн-дьыл туруга бу күннэргэ хайдаҕый? Өрөспүүбүлүкэ киин, соҕуруу, арҕаа улуустарыгар быстах ардахтаах, сорох сиринэн этиҥнээх.…
Бүгүн Өймөкөөн улууһугар өрүстэр уонна үрэхтэр хааларыттан тахсан, оройуоҥҥа үрдүк бэлэмнээх буолуу эрэсиимэ биллэриллибитэ. Күнүс…
Саха сиригэр дроннар -- пилота суох көтөр аппарааттар таһаҕаһы тиэрдэн саҕалаатылар диэн Ил Дархан Айсен…