Хаартыска: СӨ Ил Дарханын уонна Бырабыыталыстыбатын пресс-сулууспата
Бүтэһик алта сыл иһигэр Ытык Күөлгэ сири-уоту сайыннарыыга киэҥ далааһыннаах, комплекснай үлэ ыытылынна, ол түмүгэр «Манчаары оонньууларын» саамай үрдүк таһымҥа ыытарга бары наадалаах усулуобуйалар оҥоһулуннулар.
Бу туһунан Ил Дархан Айсен Николаев кэпсээтэ.
«Бүгүн биһиги эрэллээхтик этиэхпитин сөп: Таатта улууһа «Манчаары оонньууларын» ыытарга толору бэлэм. Бэлэмнэнии былааннаахтык уонна тэрээһиннээхтик ыытылынна. Бары эбийиэктэр кэмигэр тутуллан үлэҕэ киирдилэр», — диэтэ Айсен Николаев. Кини бэлиэтээбитинэн, улуус ураты киэн туттуутунан 1000 миэстэлээх, бары аныгы ирдэбиллэргэ эппиэттиир саҥа «Дьулуруйар Ньургун Боотур» стадион буолла. Эрэгийиэн баһылыга ону таһынан, Таатта улууһугар физическэй култуура уонна успуорт сайдыытыгар сүҥкэн кылаатын киллэрбит киһи – Алексей Егорович Турнин аатынан саҥа элбэх өҥөнү оҥорор успуорт комплексын аһыллыытын суолтатын бэлиэтээтэ.
«Бу – Саха сирин тыа сиригэр баар саамай бөдөҥ успуорт эбийиэгэ. Биир кэмҥэ 125-кэ диэри киһи сылдьарыгар анаммыт 8 тыһыынча кэриҥэ квадратнай миэтэрэ иэннээх. Стадиоҥҥа барыта баар: универсальнай саалалар, аэробика, остуол тенниһэ, тренажердар, тир. Маннык эбийиэктэр олох саҥа хаачыстыбатын үрдэтэллэр», — диэн Айсен Николаев бэлиэтээтэ.
Кини ону таһынан Ытык Күөл кытыла тупсарыллан, сынньалаҥҥа, успуордунан дьарыктанарга уонна култуурунай тэрээһиннэргэ табыгастаах сиргэ кубулуйбутугар туспа тохтоото.
«Сэлиэнньэ биир саамай кэрэ уонна суолталаах сирэ, дьиҥнээх дьону-сэргэни тардар киининэн буолла», — диэтэ эрэгийиэн баһылыга. Айсен Николаев бэлиэтээбитинэн, 2019 сылтан Таатта улууһа Ил Дархан иһинэн Архитектура уонна куораты тутуу управлениетын уонна Сирдэри-уоттары сайыннарыыга компетенция киинин кытта ыкса сибээстээхтик үлэлиир.
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…
Арассыыйа Бэрэсидьиэнэ Владимир Путин судаарыстыбаннай тыл бэлиитикэтин сүрүннэрин бигэргэтэр туһунан ыйаахха илии баттаата. Бу ыйаах…
"Манчаары оонньууларынан" бүгүн "Дьулуруйар Ньургун Боотур" стадиоҥҥа саха дэгит күрэһигэр: төрүт оҕунан ытыыга, сүүрүүгэ, хапсаҕайга…
Саха сирин 18 куоратыгар уонна улууһугар буруйу оҥоруу үрдээһинэ бэлиэтэннэ. 2025 сыл бастакы аҥаарыгар Саха…