Хаартыска: Андрей Сорокин, ЯСИА.
Инфраструктурнай эбийиэктэри тутуу, саҥардыы туһунан Ил Дархан Айсен Николаев уонна Таатта улууһун быһылыга Айаал Бурцев үлэ чэрчитинэн көрсүһүүлэрин кэмигэр кэпсэттилэр. Таатта улууһугар Манчаары оонньууларыгар кэккэ улахан эбийиэктэр аһыллыбыттара, ол иһигэр Ытык Күөлгэ өрөспүүбүлүкэ нэһилиэгэр саамай улахан успуорт дыбарыаһа, сүүрэр ыллыктаах 1000 миэстэлээх стадион, ипподром, онтон Чөркөөххө – успуорт саалата.
Ил Дархан эбийиэктэр бары толору үлэлиэхтээхтэрин, баҕалаах дьон барыта эти-хааны эрчийиинэн, успуордунан дьарыктаналларыгар аана куруук аһаҕас буолуохтааҕын бэлиэтээтэ. Эрдэ улуус киинигэр 100 миэстэлээх интэринээттээх 450 миэстэлээх лиссиэй дьиэтэ уонна дойду Бэрэсидьиэнэ Владимир Путин көҕүлээһининэн олоххо киирбит национальнай бырайыак чэрчитинэн поликлиника аһыллыбыта.
Көрүсүһүүгэ саҥа эбийиэктэри тутуу туһунан кэпсэттилэр, инники күөҥҥэ Булуҥ сэлиэнньэтигэр уһуйааны тутуу турар. Кэпсэтии иитинэн Саха сиригэр Култуура сылын былаанын ырытыстылар. Айсен Николаев Таатта улууһа саха литэрэтиирэтин биһигэ буоларын, култуура тэрээһиннэрин көҕүлээн уонна иһинээҕи туризмы сайыннаран инники күөҥҥэ сылдьар (флагман) улууһунан буолуохтааҕын эттэ. Ону таһынан, эһиил суруйааччы, бэйиэт Алексей Елисеевич Кулаковскай — Өксөкүлээх Өлөксөй төрөөбүтэ 150 сылын бэлиэтээһин туһунан кэпсэтэн аастылар.
Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.
Тохсунньу 29 - олунньу 1 күннэригэр Красноярскай куоракка көҥүл тустууга сезон биир саамай сүрүн күрэхтэһиитэ…
Нам улууһун полициятын дьуһуурунай чааһыгар балыыһаттан биир дьахтар балыыһа үлэһиттэригэр төбөтүгэр эчэйиилээх кэлбитин уонна “бэйэм…
Анал байыаннай дьайыыга Саха сирин олохтоохторо туох кыахтаахтарынан көмөлөһөллөр. Бары Кыайыы туһугар кылааттарын киллэрэллэр. Бу…
Липецкэй уобаласка биир ХЭУо үлэлиир 9 дьахтар нэдиэлэҕэ 36 чаас оннугар 40 чаас үлэлээтибит диэн…
2026 сыл тохсунньу 12 күнүгэр Дьокуускай куорат суута 2006 сыллаах төрүөх Дьокуускай олохтооҕор сыһыаннаах холуобунай…
Дэкириэккэ олорор кэмнэригэр хат буолбут дьахталларга икки босуобуйаны тэҥинэн биэрэр туһунан этии көтөҕөллөр: хат буолуу,…