Айсен Николаев Татарстааннааҕы нефтегазохимическэй пуорумҥа хамыыһыйа мунньаҕын ыытыаҕа

Татарстааннааҕы нефтегазохимическэй пуорум чэрчитинэн бүгүн, атырдьах ыйын 26 күнүгэр, уорган бэрэссэдээтэлэ, Ил Дархан Айсен Николаев салалтатынан «Энергетика» хайысхаҕа РФ Судаарыстыбаннай Сэбиэтин хамыыһыйатын мунньаҕа ыытыллыаҕа.

Мунньах бэбиэскэтэ дойду иһинээҕи наадыйыыны хааччыйар уонна аан дойду ырыынагар Арассыыйа өлүүскэтин тутар сыалтан ньиэп хостооһунун өйүүр дьаһалларга ананар.

Мунньахха былаас федеральнай уорганнарын, Госдуума, анал ааҕыныстыбалар уонна салаа саамай бөдөҥ хампаанньаларын бэрэстэбиитэллэрэ кыттыахтара. Кинилэр истэригэр: Рустам Минниханов — Татарстаан өрөспүүбүлүкэтин Раиһа, «Олоххо наадалаах инфраструктура» хайысханан РФ Судаарыстыбаннай Сэбиэтин хамыыһыйатын бэрэссэдээтэлэ, Михаил Иванов – РФ бырамыысыланнас уонна атыы-эргиэн миниистирин солбуйааччы, Павел Сорокин – РФ энергетикаҕа миниистирин бастакы солбуйааччы, Олег Казанов – сир баайын туһаныыга федеральнай ааҕыныстыба салайааччыта, Юрий Станкевич — Госдуума энергетикаҕа кэмитиэтин бэрэссэдээтэлин солбуйааччы, Павел Колобков — «Газпром Нефть» ПАУо бырабылыанньатын бэрэссэдээтэлин солбуйааччы, Наиль Маганов — «Татнефть» ПАУо генеральнай дириэктэрэ, Виктор Хайков — ньиэп уонна гаас өҥөтүн национальнай ассоциациятын бэрэсидьиэнэ бааллар.

Татарстааннааҕы нефтегазохимическэй пуорум Арассыыйа ньиэбин, гааһын салаатыгар ыытыллар норуоттар икки ардыларынааҕы улахан тэрээһиннэртэн биирдэстэрэ буолар. Быйыл пуорум атырдьах ыйын 26 күнүттэн 28 күнүгэр диэри ыытыллар диэн Ил Дархан, бырабыыталыстыба пресс-сулууспата иһитиннэрэр.