Андрей Сорокин хаартыскаҕа түһэриитэ, ЯСИА
Бүгүн, ахсынньы 1 күнүгэр, СӨ Ил Дархана Айсен Николаев Татарстан Нижнекамскай муниципальнай оройуонуттан кэлбит дэлэгээссийэни кытта көрүстэ.
Көрсүһүүгэ РФ Судаарыстыбаннай Дууматын дьокутаата Айдар Метшин, Нижнекамскай муниципальнай оройуон баһылыга уонна Нижнекамскай дьаһалтатын баһылыга Радмир Беляев, Нижнекамскай оройуонун толорор кэмитиэтин социальнай боппуруостарга салайааччытын солбуйааччы Ильдар Рамазанов, СӨ тас сибээскэ уона норуоттар дьыалаларыгар миниистир Гаврил Кириллин, Дьокуускай куорат баһылыгын солбуйааччы Владимир Аржаков уонна Дьокуускай куорат култуураҕа уонна духуобунай сайдыыга управлениетын начаалынньыга Сардана Брызгалова кытыннылар.
Айсен Николаев дэлэгээссийэни истиҥник эҕэрдэлээтэ, Дьокуускай уонна Нижнекамскай икки ардыларыгар бииргэ үлэлээһин сайдыытын бэлиэтээтэ. Ил Дархан ыалдьыттарга быйыл өрөспүүбүлүкэҕэ бэс ыйыгар ыытыллыбыт XXV Федеральнай Сабантуйга кыттыыларын иһин махтанна. Култуура үлэтин эйгэтигэр кэпсэтии иитинэн, Татарстан өртүттэн ыһыаҕы Нижнекамскайга 2026 сылга бэс ыйын 13 күнүгэр ыытар баҕалаахтарын иһитиннэрдилэр.
Нижнекамскай оройуонун баһылыга уонна мэр Радмир Беляев Саха сирин салалтатыгар истиҥ көрсүһүү иһин махтанна уонна куораттар икки ардыларыгар тиһиктээх үлэ олохтоммутун бэлиэтээтэ. Бииргэ үлэлииргэ меморандумҥа илии баттаммыт, 31 араас тэрээһинтэн сэттэ хайысханан суол каартата оҥоһуллубут.
—Биһиги ыкса сибээс олохтоммут куоратыгар, Дьокуускайга, биһиэхэ кырыа кыһын кэрэтин көрдөрөрүгэр уонна да атын кыаҕы биэрэригэр махтанабыт. Бэҕэһээ «Кыһын Саха сириттэн саҕаланар» диэн олус үчүгэй тэрээһиҥҥэ сырыттыбыт. Дьиҥнээх кыһын уонна кыһын туһунан остуоруйа. Биһиги Саха сирин дьонун-сэргэтин таптыыбыт уонна бииргэ үлэлээһини салгыы сайыннарыахпытын баҕарабыт. Ол иһигэр киинэ бэстибээлин киллэрэн туран, — диэн эттэ Радмир Беляев.
Сиһилии: https://www.sakha.gov.ru/news/16299
СӨ Ил Дарханын уонна Бырабыыталыстыбатын пресс-сулууспата
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа…
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…