Хаартыска: Андрей Сорокин, СИА.
Айсен Николаев от ыйын 12 күнүгэр тутулла турар “Звезднай”түөлбэни тиийэн бэрэбиэркэлээтэ. Ил Дархан олохтоохтор күүскэ туруорсар уопсастыбаннай тырааныспардарын боппуруоһун быһааралларыгар сорудахтаата.
Балаҕан ыйыгар “Звезднайтан” уопсастыбаннай тырааныспар чугастааҕы тохтобулугар диэри шаттловай оптуобустар сылдьыахтара. Бу суолу аспааллаан бүтэриэхтэригэр диэри быстах кэмнээх дьаһаныы буолар.
Уулусса-суол ситимин “Главстрой” МКУ икки түһүмэҕинэн ыытар. Бастакыга А секторга суолу оҥоруу, иккискэ – С секторга оҥоруу киирэр. Кэлэр сылга аспаал үлэтэ бүтэр, ол кэнниттэн микрооройуон иһигэр оптуобус сырыыта олохтонуо.
Бу үлэни сэргэ инженернэй ситими (уунан, уотунан, сылааһынан хааччыйыы, ууну ыытыы) тардыы үлэтэ барар. Бырайыак быһыытынан бу барыта суол иһигэр киириэхтээх.
Ааспыт сылга “Звезднайга” А секторга 7 дьиэ толору үлэҕэ киирбитэ. Бүгүн С секторга тутуу барар, манна элбэх кыбартыыралаах 3 дьиэ үлэҕэ киирэн турар. Сотору 4-с дьиэ киириэхтээх, ахсынньыга диэри – өссө 1 дьиэ.
“С секторга биһиги 3 дьиэни хайыы-үйэ үлэҕэ киллэрдибит, төрдүс дьиэ чугаһаата. Билигин онно кыбартыыралары тутуута ыытыллар, ол ортотунан икки ый буолааччы. Бары кыбартыыралар оҥоһуулаахтар, сантехникалара баар, обуойдара сыһыарыллыбыт, линолеумнара тэлгэммит — малгын аҕал да саҥа дьиэҕэ олорбутунан бар”, — диэн кэпсээтэ СЗ РИА генеральнай дириэктэрэ Лия Шайнурова.
“Олорор дьиэ уонна куорат эйгэтэ” национальнай бырайыак чэрчитинэн манна сааххалланар туруктаах дьиэлэртэн, ол иһигэр 17 кыбартаалтан, көһөр дьон олохсуйаллар. “Звезднай” — бу кэлим тутуу барар сирэ. Олорор дьиэни кытта социальнай эбийиэктэр, инфраструктура дьиэлэрэ тутуллаллар.
С секторга “Үөрэхтээһин” нацбырайыагынан 315 миэстэлээх уһуйаан уонна 990 миэстэлээх оскуола тутуллар. Ону таһынан симиэнэҕэ 600 киһи сылдьар поликлиниката тутуллуохтаах, бырайыагын-симиэтэтин докумуона судаарыстыбаннай эспэртииһэҕэ үөрэтиллэр. Оттон А секторга “Демография” нацбырайыагынан сабыылаах хоккейнай корт тутуллар. Б секторга “Звезднай” тэҥэ “Ильинка” түөлбэлэри сылааһынан хааччыйыахтаах хочуолунай тутуллар.
Уопсайынан, “Звезднай” микрооройуоҥҥа 263 тыһ. кв.м олорор дьиэ, 6,2 км бэлэсипиэт суола, 1,1 км кытыл үрдэ тутуллуохтаах. Улахан аҥарын пааркалар уонна искибиэрдэр ылыахтара диэн иһитиннэрэр СӨ Ил Дарханын уонна Бырабыыталыстыбатын пресс-киинэ.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…