Айсен Николаев тыа хаһаайыстыбатын боппуруостарын таарыйда

Бүгүн «Якутия, вперед!» биэриигэ Айсен Николаев тыа хаһаайыстыбатын тиэмэтин эмиэ тумнубата. Кини, чуолаан, таба иитиитигэр тохтоон, онно 30 тахса бырыһыанынан субсидия улааппытын аҕынна.

Бу салааны экэниэмикэ эрэ өттүнэн буолбакка, төрүт дьарык быһыытынан сыаналаата. Таба ахсаана эбиллиитигэр, астаан-үөллээн таһаарыыга болҕомто ууруллуохтааҕын эттэ.
Сылгыны үөрдээн иитиигэ 500 мөлүйүөн солкуобай көрүллүбүт. Сылгы иитиитэ барыстаах салаа буоларыгар сыралаһар сылгыһыттарга махтанна. Сылгы этин батарыыга, переработкаҕа күүскэ үлэлэһэргэ эттэ.

Уопсайынан ыллахха, бүгүҥҥү биэриигэ кыттыытыгар Саха сирин Ил Дархана Юрий Трутнев өйөбүлүн тоһоҕолоон бэлиэтээтэ.