Ытыктабыллаах Саха сирин агропромышленнай комплексын үлэһиттэрэ уонна бэтэрээннэрэ!
Өрөспүүбүлүкэ салалтатын уонна тус бэйэм ааппыттан РФ тыа хаһаайыстыбатын уонна астыыр-үөллүүр салаа үлэһиттэрин күнүнэн эҕэрдэлиибин!
Кэм-кэрдии ааһар, олох сайдан иһэр, ол эрээри тыа сирин сыралаах үлэтэ суолтатын сүтэрбэт. Ханнык даҕаны ыарахаттартан толлубакка, тыа сиригэр олорор, сүөһү иитиитигэр, тыа хаһаайыстыбатын бородууксуйатын оҥорон таһаарыыга сыралаахтык, таһаарыылаахтык үлэлиир дьоммут өрөспүүбүлүкэбит сайдыытыгар сүдү кылааттарын киллэрэллэр. Кинилэр бука бары — биһиги киэн туттуубут!
Бүгүҥҥү бырааһынньык — сиргэ үлэлиир, онно күүһүн-уоҕун ыытар, билиитин биэрэр, дойдубут аграрнай секторын сайдыытыгар үлэлиир дьоҥҥо ытыктабыл бэлиэтэ. Саха сиригэр тыа хаһаайыстыбата олохпут биир суолталаах, нэһилиэнньэни дьарыгынан хааччыйар, нэһилиэнньэ дохуотун элбэтэр хайысханан буолар. Биһиги аграрийдарбытын өйүүбүт. Ол курдук, ааспыт алта сылга тыа хаһаайыстыбатын сайыннарар судаарыстыбаннай бырагыраамалары үбүлээһин биллэ улаатта. Үлэ өссө да салҕанар.
Күннэтэ түбүктээх, сыралаах үлэҕит иһин махтанабын, бырааһынньыгынан эҕэрдэлиибин! Кытаанах доруобуйаны, дьолу, ситиһиилэри!
СӨ Ил Дархана Айсен Николаев.
Лада дьиэтигэр киэһэ 9 чаас саҕана түгэх хоһугар көмпүүтэргэ үлэлии олорон, эмискэ ойон туран түннүк…
Уһун өттүктээх, халыҥ бууттаах, кылгас бэрбээкэйдээх, модьу-таҕа атахтаах, убаҕас сиэллээх, хомпоҕор кэҥэриилээх, киэҥ таныылаах, уһун…
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…