Айсен Николаев Уһук Илин федеральнай уокурук баһылыктарын медиа-рейтинин баһылаата

СӨ Ил Дархана Айсен Николаев сэтинньи ый түмүгүнэн Уһук Илин губернатордарын медиа-рейтинин инники күөнүгэр таҕыста. Бу туһунан информационнай технологияларга олоҕуран үлэлиир, иһитиннэрэр-биллэрэр эйгэни (СМИ) уонна социальнай ситимнэри ырытыынан дьарыктанар тутулуга суох чинчийэр «Медиалогия» хампаанньа иһитиннэрэр.

Аналитиктар дааннайдарынан, Айсен Николаев үлэтин-хамнаһын тула сэтинньигэ иһитиннэрэр-биллэрэр эйгэҕэ 6,8 тыһыынчаттан тахса ахтыы бэлиэтэммит, оттон медиа-индексэ 29 тыһыынчаттан үрдээбит.

«Медиалогия» эспиэрдэрэ ордук киэҥник сырдатыллыбыт, чаҕылхай түгэннэри бэлиэтээтилэр:

• Саха сирин баһылыга «Сыыппара алмааһа» IV федеральнай пуорум пленарнай мунньаҕар тыл этиитэ;
• Дьокуускайга өрөспүүбүлүкэ саамай бөдөҥ, 8 тыһыынчаттан тахса квадратнай миэтэрэ иэннээх поликлиникатын үлэҕэ киллэрии;
• Булуҥ улууһугар «Найба» байҕал пуордун тутуутугар бэлэмнэнии;
• Билигин баар массыына суолларынан уонна кыһыҥҥы суолларынан «Илин Сибиирдээҕи хорда» диэн үлэ ааттаах Таксимо – Мииринэй тырааныспар коридорун тэрийэр туһунан сөбүлэһиигэ илии баттааһын;
• Ил Дархан РФ Бэрэсидьиэнин көмөлөһөөччүтэ Николай Патрушевы кытта үлэ көрсүһүүтэ.