Айсен Николаев Уһук Илин губернатордарын ортотугар бэлитиичэскэй туруктаах буолуу рейтинигэр лиидэрдиир

«Минченко Консалтинг» холдинг эспиэрдэрэ «Госсовет 2.0» үбүлүөйдээх XX рейтини оҥордулар – губернатордар бэлитиичэскэй туруктаах буолууларын, ол иһигэр федеральнай уокуруктар ортолоругар. Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.

Айсен Николаев Уһук Илиҥҥи федеральнай уокурукка бэлитиичэскэй туруктаах буолуу рейтинигэр лиидэрдиир. Уһук Илин губернатордарын үгүстэрэ «Госсовет 2.0» рейтинин «күөх» зонатыгар бааллара бэлиэтэнэр. Бу эрэгийиэн территориятыгар араас инвестиционнай бырайыактар киэҥник тарҕаныыларынан, ону таһынан иһинээҕи элита атааннаһыытын намтатыынан ситиһиллэр. Уһук Илин эрэгийиэннэрин баһылыктара былаас быһа дьаһайыытын бөҕөргөттүлэр.

«Минченко Консалтинг» быһаарыытынан, өрөспүүбүлүкэ Ил Дархана Арассыыйа эрэгийиэннэрин баһылыктарын норуоттар икки ардыларынааҕы сибээстэри тардыытын интеграцияламмыт индексинэн эмиэ лиидэрдэр ахсааннарыгар киирсэр. 2025 сыл тохсунньуттан от ыйыгар диэри кэм түмүгүнэн, кини губернатордар ортолоругар сэттис миэстэни ылар.

Губернатордар туруктаах буолууларын рейтинин («Госсовет 2.0») хас биирдии губернаторга 9 сүрүн бэлиэни холбоон сыанабыл оҥоһуллар. Түмүктүүр сыана үрдүк буоллаҕына, губернатор дуоһунаһыгар хаалар кыаҕа үрдүк.

Сиһилии бу саайтка ааҕыҥ https://minchenko.ru/.