Айсен Николаев Уһук Илин губернатордарын ортотугар бэлитиичэскэй туруктаах буолуу рейтинигэр лиидэрдиир

«Минченко Консалтинг» холдинг эспиэрдэрэ губернатордар бэлитиичэскэй туруктаах буолууларын  «Госсовет 2.0» XXI рейтинин оҥордулар.

Рейтиҥҥэ бэлиэтэммитинэн, Уһук Илиҥҥи федеральнай уокурукка бэлитиичэскэй туруктаах буолууга Саха сирин Ил Дархана Айсен Николаев уонна Сахалин уобалаһын губернатора Валерий Лимаренко лиидэрдэринэн буолбуттар.

Эспиэрдэр бэлиэтииллэринэн, 2025 сыллааҕы Куоластааһын биир кэлим күнэ түмүктэннэ, бу 2026 сыллааҕы Судаарыстыбаннай Дуума хампаанньатын иннинэ баартыйаларга уонна эрэгийиэннээҕи ситэриилээх былааска генеральнай репетиция буолла.

Үгүс эрэгийиэннэргэ куоластааччылар кэлиилэрэ 40%-тан үрдүк буолбут, бу губернатордар быыбардарыгар үчүгэй көрдөрүү буолар. Олох намыһаҕынан Иркутскай уобалаһыгар эрэ куоластааччылар кыттыыларын (33,08%) ааттыахха сөп.

Бары хос талыллыбыт губернатордар уонна баһылыктар э.т. быыбардааччылар куоластарын 60% аһара ылбыттар, бу наадалаах өйөбүл саппааһын хааччыйар, эрэллээх түмүк буолар диэн иһитиннэрэллэр.

Сиһилии: https://www.sakha.gov.ru/news/12454