Айсен Николаев Уһук Илиҥҥэ бөдөҥ энергоэбийиэктэри тутуу туһунан кэпсээтэ

СӨ баһылыга, Госсэбиэккэ  «Энергетика» хайысхатын хамыыһыйатын бэрэссэдээтэлэ Айсен Николаев Уһук Илиҥҥэ бөдөҥ энергоэбийиэктэри тутуу туһунан  ТАСС    кэпсээтэ.

Кини  Приморьеҕа уонна Хабаровскай кыраайга улахан атомнай ыстаансыйалары тутуу туһунан быһаарыныы ылыныллыбытын эттэ. Уопсай кыамталара  3,2 ГВт буолуохтаах.  Маны таһынан Саха сиригэр дьоҕус атомнай ыстаансыйа итиэннэ Чукоткаҕа устар атомнай ыстаансыйалары  тутуу саҕаламмытын туһунан кэпсээтэ.

Инникитин таас чох, гаас генерациятын эбийиэктэрин тутуу былааннанар.  Онно туһаайан Саха сиригэр баар бырайыактар, ол иһигэр  Нерюнгритааҕы  ГРЭС саҥардыы, Нерюнгри оройуонугар  330 МВт гаас ыстаансыйатын,  550 МВт Новоленскайдааҕы  ТЭС, Дьокуускайдааҕы ГРЭС-2 иккис уочартаны тутууну холобурдаата.

Сиһилии https://tass.ru/ekonomika/23137303