Андрей Сорокин хаартыскаҕа түһэриитэ, ЯСИА
Ил Дархан Айсен Николаев уонна ВАРМСУ (Олохтоох бэйэни салайыныы Бүтүн Арассыыйатаабы ассоциацията) хос бэрэссэдээтэлэ Ирина Гусева «Үлэ кыбартаалыгар» сырыттылар.
Дьокуускайга «МАЛАЯ РОДИНА – СИЛА РОССИИ» Бүтүн Арассыыйатааҕы III муниципальнай пуорумҥа ВАРМСУ (Олохтоох бэйэни салайыныы Бүтүн Арассыыйатаабы ассоциацията) хос бэрэссэдээтэлэ, РФ Бэрэсидьиэнин иһинэн олохтоох бэйэни салайыныыны сайыннарыыга Сэбиэт Президиумун чилиэнэ Ирина Гусева кэллэ. Кини Ил Дархан Айсен Николаевы кытта «Үлэ кыбартаалыгар» сырытта.
Ыалдьыттарга эрэгийиэҥҥэ креативнай индустрияны сайыннарыы саҥа хайысхаларын туһунан кэпсээтилэр. «Кама Хана» продакшен устуудьуйатын, «UUU» анимационнай устуудьуйа, «Үлэ кыбартаала» креативнай кластер дорҕоону (звукозапись) устар устуудьуйатын бырайыактарын билиһиннэрдилэр. «Экстра Синема» хампаанньа дойду дьоҕус нэһилиэнньэлээх пууннарыгар киинэни тарҕатыы, сайыннарыы туһунан былаанын Ирина Гусева сэҥээрдэ. «Биһиги көмөлөһүөхпүтүн сөп», — диэтэ кини. Маны сэргэ, кинилэр виртуальнай киинэ устар инновационнай былаһааккаҕа сырыттылар.
Ирина Гусева эрэгийиэҥҥэ кластеры тэрийии суолтатын тоһоҕолоон бэлиэтээтэ, санаатын үллэһинэ.
«Маннык кластеры тэрийии идиэйэтэ чахчы да санааны көтөҕөр. Манна биир санаалаахтар түмсэллэр. Кинилэр хардарыта ыкса сибээстээх үлэлииллэр. Ол сайдыыга сирдиир. Саха сиригэр айар ыччаты өйүүргэ улахан болҕомто ууруллара кэрэхсэбиллээх», — диэн этэр кини.
Санатар буоллахха, креативнай кластер үлэтин 2022 сыл сэтинньиттэн саҕалаабыта.
Сиһилии: https://www.sakha.gov.ru/news/16980
С: Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, ЯСИА
РФ тыа хаһаайыстыбатын министиэристибэтин тыа сирин сайыннарыыга департаменын дириэктэрин э.т. Дарья Рябухина тыа сирин кэлимник…
Уус Алдан улууһугар С.С.Васильев-Борогонскай аатынан киин бибилэтиэкэ ааҕар саалатыгар "Түмэр, көҕүлүүр киһибит этэ..." диэн СӨ култууратын…
2025 сылга байыастарга анаан Саха сириттэн 132 тиэхиньикэ тиэрдиллибит. Бу туһунан Донбасска көмөлөһөр уонна өйүүр…
Олооһун диэн тугуй? Олооһун туохтан үөскүүрүй? Сааскы, сайыҥҥы, күһүҥҥү, кыһыҥҥы олооһуннар диэни истибиккит дуо? Күнү…
Дьокуускайга Кэтээн көрөр сэбиэт мунньаҕар “Соҕуруу Саха сирэ” урутаан сайдар сир-уот (ТОР) кэскиллээх былаанын бигэргэттилэр.…
"Дьулуур" адаптивнай успуорт XV төгүлүн ыытыллар спартакиадата Дьокуускайга 2026 сыл бэс ыйын 16-19 күннэригэр былааннанар.…