Хаартыска: Ил Дархан уонна Бырабыыталыстыба дьаһалтатын пресс-сулууспата.
СӨ Ил Дархана Айсен Николаев бу күннэргэ Москваҕа үлэлиир. Бэнидиэнньиккэ Айсен Николаев Арассыыйа бырабыыталыстыбатын бэрэссэдээтэлин солбуйааччы Марат Хуснуллинныын көрүстэ. Көрсүһүүгэ дьиэ-уот тутуутун үлэтин, инфраструктура сайдыытын уонна Өлүөнэ эбэни туоруур муоста бырайыагын болдьоҕун дьүүллэстилэр.
«Биһиги Саха Өрөспүүбүлүкэтин социальнай-экэнэмиичэскэй сайдыытын туһунан кэпсэттибит, 2023 сыллааҕы быллааннары уонна соруктары ырыттыбыт. Сүрүн болҕомтону Марат Хуснуллин салайар эйгэлэригэр уурулунна — дьиэ тутуутугар уонна инфраструктура сайдыытыгар. Ураты болҕомтону бэдэрээлинэй суолталаах «Лена», «Бүлүү» уонна «Халыма» айан суолларыгар уурдубут. Маны таһынан муоста тутуутун боппуруостара эмиэ көрүлүннүлэр, ол иһигэр Өлүөнэ эбэни туоруур муоста бырайыагын болдьоҕун туһунан кэпсэттибит», — диэн Айсен Николаев бэйэтин телеграм-ханаалыгар иһитиннэрдэ.
Көрсүһүүгэ Саха сирэ дьиэ тутуутугар Арассыыйаҕа бастыҥ эрэгийиэннэр ахсааннарыгар киирэрэ бэлиэтэннэ. 2022 сылга өрөспүүбүлүкэҕэ 583,9 тыһыынча кв. м. дьиэ үлэҕэ киирбит. Оттон быйыл тохсунньу-олунньу ыйдарга 95 тыһыынча кв. м. тутуллубут. Бу көрдөрүү ааспыт сыллааҕыны балтараа төгүл куоһарар.
Саха сиригэр дьону хаарбах уонна саахалланар туруктаах дьиэттэн көһөрүү киэҥ далааһыннаах бырагыраамата ыытыллар. Бүгүн саахалланар туруктаах пуондаттан 25 тыһыынчаттан тахса киһи көһөрүлүннэ.
Ону таһынан СӨ Ил Дархана уонна Арассыыйа бырабыыталыстыбатын бэрэссэдээтэлин солбуйааччы социальнай эбийиэктэр, чуолаан Өрөспүүбүлүкэтээҕи онкологическай киин тутуутун тэтимин көрдүлэр. Бу тутуу Уһук Илиҥҥэ биир саамай улахан уонна аныгы киининэн буолуоҕа. Иэнэ 25 тыһыынча квадратнай миэтэрэҕэ тэҥнэһэр. Манна сылга 50 тыһыынчаҕа тиийэ киһи көрдөрүнүөҕэ.
Ил Дархан уонна Бырабыыталыстыба дьаһалтатын пресс-сулууспата.
Ил Дархан Айсен Николаев Алдан оройуонун баһылыгын Александр Шестопаловы кытта көрүстэ. Кэпсэтии кэмигэр өрүттэр муниципалитет…
Бүтүн Арассыыйатааҕы "Улахан этнографическай дьыктаан" сырдатар аахсыйа сэтинньи 1-8 күннэригэр буолуоҕа. Быйыл онус төгүлүн ыытыллар…
РФ бырабыыталыстыбата Тиксии-Найба агломерациятын социальнай-экэнэмиичэскэй сайдыытын кэлим уһун болдьохтоох былаанын бигэргэттэ. Кэлим былаан биир суолталаах…
Бүгүн хара сарсыардаттан, харахпытын хайа тардыахпытыттан социальнай ситимнэринэн, мессенджеринэн: “Эбээ, эһээ” күнүнэн диэн араас хартыыналары,…
Тэрээһин оҕолор олохторун уонна доруобуйаларын харыстыырга, уустук олохтоох дьиэ кэргэттэри буларга уонна оҕону атаҕастааһын түбэлтэлэрин…
Сэтинньи саҥатыгар бырааһынньык күннэрэ түбэһэллэринэн, оҕо босуобуйалара эрдэ түһүөхтэрэ диэн Социальнай пуонда Саха сиринээҕи салаата…