Хаартыска: sakha.gov.ru
Ил Дархан Айсен Николаев Москваҕа оробуочай командировкаҕа сылдьан, СӨ судаарыстыбаннай сүбэһитэ Вячеслав Штыровы кытта көрүстэ.
Айсен Сергеевич РФ энергетикаҕа Судаарыстыбаннай хамыыһыйатын бэрэссэдээтэлэ буоларын быһыытынан кэпсэтии ити чэрчитинэн буолла уонна дойду энергетическэй сайдыытын сүрүн соруктарыгар уонна кэскиллэригэр ананна.
Кэпсэтиигэ судаарыстыбаннай уонна бэлитиичэскэй диэйэтэл Константин Ильковскай, “Якутскэнерго” урукку генеральнай дириэктэрэ Олег Тарасов, тиэхиньиичэскэй билим дуоктара уонна Бүтүн Арассыыйатааҕы теплотехника институтун научнай салайааччытын бастакы солбуйааччы Анатолий Тумановскай кыттыыны ыллылар. Эспиэрдэр Айсен Николаев бэрэссэдээтэллээх ГосСэбиэт хамыыһыйатын мунньахтарыгар куруук киирэр боппуруостарга бэйэлэрин сыанабылларын, этиилэрин билиһиннэрдилэр.
Кэпсэтии сүрүн тиэмэтинэн Уһук Илиҥҥи федеральнай уокурукка энергия аҕыйааһына улаатан иһэрэ буолла — бу боппуруоска Судаарыстыбаннай хамыыһыйа Арассыыйа Бэрэсидьиэнигэр уонна Бырабыыталыстыбатыгар этиилэри систиэмэлээхтик оҥорор. Айсен Николаев эспиэрдэри истэн баран, бэйэтин көрүүтүн үллэһиннэ.
Өрүттэр аныгы быһаарыылары олоххо киллэрбэккэ эрэ энергетическэй дэписиити туоратыы кыаллыбат диэҥҥэ сөбүлэстилэр. Саха сирэ дойдуга чоҕу хостуур биир сүрүн эрэгийиэн буоларын быһыытынан, болҕомтолорун ордук Арассыыйа чоҕун кыаҕар уурдулар. Кэпсэтии кыттыылаахтара этэллэринэн, чоҕу хостооһун уонна аныгы электростанциялары уонна үрдүк күүрүүлээх ситимнэри тутуу үүнэн иһэр экэниэмикэни эниэргийэнэн эрэ хааччыйбакка, чохтоох эрэгийиэннэри саҥа таһымҥа таһаарыаҕа. Саха сирин гидроэнергетичэскэй кыамтатын баһылааһын эмиэ наадалааҕынан ааҕылынна.
Вячеслав Штыров РФ энергетикаҕа судаарыстыбаннай хамыыһыйатын салайар Айсен Николаев үлэтин үрдүктүк сыаналаата, оҥоһуллар быһаарыылар дойду инники дьылҕатыгар суолталаахтарын тоһоҕолоон бэлиэтээтэ. Бву туһунан Ил Дархан, бырабыыталыстыба пресс-сулууспата иһитиннэрэр.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…