Айсен Николаев: Уопсастыба бүттүүнэ дьадайыыны утары охсуһууга кыттыахтаах

Ил Дархан Айсен Николаев «Якутия, вперед!» биэриигэ өрөспүүбүлүкэ дойдуга биир бастакынан болҕомтоҕо ылан бу кыһалҕалаах боппуруоска тиһиктээхтик ылсыбытын, итиэннэ онно туһаайыллан үлэ ыытылларын этэр.

Манна кини  дьону үлэнэн хааччыйыыны, предпринимательствоҕа социальнай өйөбүл боппуруостарын, о.д.а. бэлиэтиир.

-Биһиги уопсастыбабыт бүттүүн дьадайыыны утары үлэҕэ кыттыахтаах. Биһиги кыайыахпыт диэн эрэнэбин. Билигин Бэрэсидьиэн өйүүрэ биһиэхэ улахан тирэх буолар, онон былааннары олоххо киллэрэрбитигэр уустуга суох буолуо, — диир Айсен Николаев.

Дьадайыыны утары араас хабааннаах үлэлэр ыытыллаллар, социальнай хантараакка олоҕуран социальнай көмөнү оҥоруу кэҥиир уонна салҕанар.

СӨ Ил Дарханын уонна Бырабыыталыстыбатын пресс-сулууспата