Бүгүн, ахсынньы 29 күнүгэр, Айсен Николаев «Өлүөнэтээҕи холбоһуктаах өрүс пароходствота» ПАУо, «Халыматааҕы судоходнай хампаанньа» АХ, «Тиксии» муоратааҕы пуорт үп-хаһаайыстыбаннай үлэлэрин түмүгүн көрдө.
Ону сэргэ, Ил Дархан кэлэр сылга соруктары туруорда. Айсен Николаев уу тырааныспарын үлэһиттэрин 2022 с. навигация кэминээҕи үлэлэрин иһин махтанна. Сорох өрүскэ уу түһүүтүн, сороххо уу тахсыытын таһыма үрдүүрүн уустук кэми аахсыбакка, туруоруллубут соругу толордулар.
Айсен Николаев Бырабыыталыстыбаҕа Саха сиринээҕи уу тырааныспарын кыһалҕатын быһаарарга кэлимник сайдыы сыһыанын олохтуурга соруйда. Кини этэринэн, бу тэрилтэлэр сибээстээхтик бииргэ үлэлээбэккэлэр, бу салаа сайдыытын бытаардаллар.
«Бу тэрилтэлэри туспа арааран көрөр сатаммат. Маннык сыһыан араас өрүттэргэ тириэрдэр уонна салааны сайыннарыыны харгыстыыр. Билигин биһиги биир кэлим бэлиитикэни тутуһуохтаахпыт уонна ис уу тырааныспарыгар сыһыаннаах бары боппуруостары быһаарыыга кэлим сыһыаны оҥоруохтаахпыт», – диэн бэлиэтээн эттэ өрөспүүбүлүкэ баһылыга.
Ил Дархан пароходстволарга флоту саҥардыыга ыытыллар тэрээһиннэри үбүлүүр туһунан этии киллэрэргэ дьаһайда. Кэнники сылларга үп өттүнэн куһаҕана суох көрдөрүүлээхтэр эбит эрээри, тэрилтэлэр бэйэлэрэ ити кыһалҕаны быһаарар кыахтара суох. Айсен Николаев онно биир суолунан федеральнай бырагыраамаҕа киирсэргэ сайаапканы биэриэххэ сөп диэтэ.
Итини таһынан Айсен Николаев каадыры бэлэмнээһин боппуруоһугар тохтоото. Ити боппуруоһу быһаарыы Бырабыыталыста биир сүрүн соругунан буолуохтааҕын эттэ. Ол кэннэ кини хотугу таһаҕаһы таһыыга улахан оруолу ылар «Тикси» муора пуордун салгыы өйүөххэ наадатын бэлиэтээтэ.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…