Уус Алдан оройуонун Бороҕон сэлиэнньэтигэр 2024 сылга канализационнай ыраастыыр тутуу ыытыллыахтаах, ону тэҥэ оройуон муниципальнай суоллары өрөмүөннээһиҥҥэ сайаапканы биэрдэ. Оройуоҥҥа эбийиэктэри тутуу боппуруоһун Саха сирин Ил Дархана Айсен Николаев уонна муниципалитет салайааччыта Алексей Федотов дьүүллэстилэр.
Алексей Федотов бэлиэтииринэн, 2023 сыл оройуоҥҥа Инфраструктураны сайыннарыы сылынан биллэрилиннэ.
“Ааспыт сыл оройуоммутугар таһаарыылаахтык үлэлээтибит. Бэлиэ түгэнинэн Саха сирин норуоттарын VIII Спортивнай оонньууларын ыытыы буолла. Успуорт улахан түһүлгэтэ оройуон уонна өрөспүүбүлүкэ олохтоохторун түмтэ, сайдыыга уонна аныгы эбийиэктэр баар буолууларыгар төһүү буолла, итилэр ортолоругар Култуура дыбарыаһа, 1000 миэстэлээх стадион. Быйыл биһиги социальнай эбийиэктэри, ОДьКХ уона энергетика эбийиэктэрин тутуу үлэтин салгыахпыт. Өрөспүүбүлүкэҕэ 2023 сыл Үлэ сылынан, оттон оройуоҥҥа Инфраструктураны сайыннарыы сылынан биллэрилиннэ”, — диэн Уус Алдан оройуонун баһылыга бэлиэтээтэ.
Чуолаан, быйыл Бороҕоҥҥо саҥа ыраастыыр-канализационнай тутуу саҕаланыаҕа. Бу көмөтүнэн 2024 сылга Мүрү нэһилиэгин олохтоохторо сылы эргиччи ыраас иһэр уунан хааччыллыахтара. Чинчийии үлэтэ ыытылынна, судаарыстыба уонна экология чинчийиитин ааһыахтаах бырайыак-симиэтэ докумуона оҥоһуллар.
СӨ Суолга пуондатын үбүн суотугар оройуон сиригэр-уотугар муниципальнай суоллары өрөмүөннүөхтэрэ. Тустаах сайаапканы оройуон бырабыыталыстыбаҕа ыыппыта.
Санаттахха, 2022 сылга оройуоҥҥа үөрэх, култуура уонна успуорт 10 эбийиэгин, ол иһигэр национальнай бырайыактарынан туттулар. Өрөспүүбүлүкэ Суолга пуондатын субсидиятынан Бороҕон сэлиэнньэтигэр уулуссаны өрөмүөннээтилэр. Ону тэҥэ оройуоҥҥа “Восток 1” автоматизированнай хочуолунай үлэлээн, ньиэбинэн оттуллар икки хочуолунайы солбуйда. Бу эбийиэги ОДьКХ уларыта тутууга көмөлөһөр пуонда өйөбүлүнэн туппуттара.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин хаартыската (СИА)
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…