Айсен Николаев Уус-Ньара бөһүөлэгэр дьиэ уонна суол тутууларын тэтимин сыаналаата

Ил Дархан Айсен Николаев Уус-Ньараҕа Мацкепладзе уулуссаҕа хаарбах дьиэлэртэн көһөрүү бырагырааматынан тутуллар элбэх кыбартыыралаах дьиэ тутуутун хаамыытын бэрэбиэркэлээтэ. Тутуу бэлэмэ — 70%. Бу туһунан  Ил Дарханын уонна Бырабыыталыстыбатын пресс-сулууспата иһитиннэрэр.

Кыраапыктан хаалыы суох. Эбийиэги 2025 сыл үһүс кыбаарталын бүтэһигэр үлэҕэ киллэриллэрэ былааннанар. Саҥа дьиэҕэ 55 толору хааччыллыылаах кыбартыыра баар буолуоҕа.

«Саха сирин үрдүнэн хаарбах дьиэлэртэн көһөрүү бырагырааматынан номнуо элбэх дьиэ тутулунна. Билигин Уус-Ньараҕа 55 кыбартыыралаахх дьиэ тутуута бүтэн эрэр, ол кэнниттэн 2017 сыл балаҕан ыйын 1 күнүгэр диэри саахалланар туруктаах дьиэлэртэн көһөрүү бырагыраамата түмүктэниэҕэ. Болдьоҕо тутуһуллар, бэдэрээтчит оробуочай күүһүнэн хааччыллыбыт. Балаҕан ыйын 1 күнүгэр диэри эбийиэк үлэҕэ киириэ диэн эрэнэбин», — диэн быһаарда Айсен Николаев.
Уопсайынан 2019-2025 сылларга Өймөкөөн оройуонугар хаарбах олорор дьиэ пуондатыттан көһөрүү аадырыстаах бырагырааматыгар барыта 41 элбэх кыбартыыралаах дьиэ үлэҕэ киллэриллибитэ. Сиһилии манна аах.