Хаартыскаҕа А.Сорокин түһэриитэ, СИА
Саха Өрөспүүбүлүкэтин Ил Дархана Айсен Николаев от ыйын 11 күнүгэр тырааныспар эйгэтигэр кэтээн көрөр федеральнай сулууспа салайааччыта Виктор Басаргины кытары көрүстэ.
—Саха сиригэр кэлбиккитинэн эҕэрдэлиибин! Өрөспүүбүлүкэ олус киэҥ – тырааныспары кэтээн көрүү эйгэтигэр биһиэхэ боппуруостарбыт балачча элбэхтэр. Биһиги тырааныспар инфраструктуратыгар элбэх эбийиэктээх, саҥа эбийиэктэр тутуллар, суол үлэтэ күүскэ ыытыллар эрэгийиэммит. Биһиги эрэгийиэммитин өйүүргүтүгэр махтанабын. Эн биһиэхэ сырыыҥ тырааныспар эйгэтигэр бииргэ үлэлээһин таһымын өссө үрдэтэригэр эрэнэбин, — диэтэ Айсен Николаев.
Виктор Басаргин Саха сиригэр кэлбэтэҕэ уонча сыл буолбутун, бу сыллар тухары эрэгийиэҥҥэ элбэх үчүгэй уларыйыы тахсыбытын, өрөспүүбүлүкэ киин куората тупсубутун бэлиэтээтэ.
«Эрэгийиэҥҥэ тимир суолу тутуу боппуруостара сайдаллар. «Эльга» хампаанньа тимир суолу тутууга киллэриэхтээх бырайыага улахан кэскиллээх. Ол – өрөспүүбүлүкэҕэ уонна дойду тырааныспарын комплексыгар улахан инвестиция”, — диэтэ Виктор Басаргин.
Айсен Николаев уонна Виктор Басаргин көрсүһүү кэмигэр Булуҥ улууһугар дириҥ уулаах порт тутуллара былааннанар Арктика кытылыгар тырааныспар инфраструктарын сайыннарыы боппуруостарыгар тохтоотулар.
Ону таһынан РФ бэрэсидьиэнэ Владимир Путин тырааныспар эйгэтигэр туруорбут соруктарын олоххо киллэриини, ол иһигэр “Куттала суох хаачыстыбалаах суоллар” национальнай бырайыагы, суолу тутууну, суол туругун хонтуруоллуур тиһиги тэрийиини, аэропортары модернизациялааһыны, эрэгийиэҥҥэ тырааныспар табыгастаах буолуутун дьүүллэстилэр.
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…
Аллайыаха улууһун Оленегорскай олохтооҕо Виктория Трофимова күһүҥҥү көстүүнү хаартыскаҕа түһэрэн ыытта. -- Быйыл отон аанньа…
«Саханефтегазсбыт» ыччат идэтийиитигэр былааннаах үлэтин салгыыр. Бу күннэргэ А.Е.Мординов аатынан Тааттатааҕы лиссиэй улахан кылааһын үөрэнээччилэригэр анаан…
Саха сиригэр балаҕан ыйын 20 күнүттэн алтынньы 20 күнүгэр диэри любительскай балыктааһыҥҥа илими туһаныы бобуллар.…