sakha.gov.ru
СӨ Ил Дархана Айсен Николаев «ВОИН» киин тэриллибитэ үс сылынан эҕэрдэлээтэ.
«ВОИН» киин ытыктабыллаах үлэһиттэрэ!
Күндү уһуйааччылар!
Эһигини ис сүрэхпиттэн эҕэрдэлиибин!
Бүгүн Арассыыйа уонна өрөспүүбүлүкэ байыаннай-спортивнай бэлэмнэниитин уонна патриотическай иитиитин тиһигин «ВОИН» киинэ суох сатаан санаабаппыт. Бу сөптөөх толкуйу, быһаарыылары ыларга, уустук быһыыга-майгыга хайдах буоларга, дойдуларын, дьоннорун-сэргэлэрин иннигэр эппиэтинэһи сүгэргэ иитэр-такайар, сирдиир оскуоланан буолар.
Киин салаата биһиги өрөспүүбүлүкэбитигэр 2024 сыллаахха муус устарга аһыллыбыта. Итиэннэ балтараа сыл иһигэр ыччаты иитиигэ күүстээх бигэ тирэҕинэн буолла. Бэлэмнэниини былырыын 1700 тахса курсаан ааспыта, 650 тахса ыччат «Время юных героев» сайыҥҥы симиэнэ иитинэн сылдьыбыта. 2025 сылга 2000 тахса курсаан бэлэмнэниини ааста уонна салгыы үөрэнэр, ол иһигэр, сайыҥҥы кэмҥэ — 700 тахса.
Курсааннар тактическай, инженернэй бэлэмнэниини ааһаллар, сибээһи, БПЛА үөрэтэллэр, тактическай мэдиссиинэни билэллэр, байыаннай-спортивнай оонньууларга кытталлар, уо.д.а. үөрэнэллэр. Салаа хамаандата эрэгийиэннээҕи пуорумнарга кыттар, ыччакка анаан патриотическай тэрээһиннэри тэрийэр. Итиннэ барытыгар улахан болҕомтотун, кыһамньытын уурар.
Манна «Путь ВОИНа» Бүтүн Арассыыйатааҕы байыаннай-тактическай күрэхтэһии түмүгүн бэлиэтиир тоҕоостоох. Бу Ю.П.Трутнев көҕүлээһининэн балаҕан ыйыгар буолбута. Биһиги Сахабыт сирин хамаандата кыайыылаах үрдүк аатын ылбытынан киэн туттабыт!
Манна даҕатан, Дьокуускайга Саха сирин Бастакы Бэрэсидьиэнэ М.Николаев аатынан 40 №-дээх баараҕай оскуола балаҕан ыйын 1 күнүттэн «ВОИН» киин филиалын былаһааккатынан буоларын бэлиэтиир наадалаах. Манна дьарыктанарга бары усулуобуйа тэриллибитэ.
Эһиги үөрэтэргит — муҥура суох. Бу инникитин Аҕа дойдуну көмүскээччилэргэ эрэ буолбакка, хас биирдии гражданиҥҥа билиини биэрэргэ көмөлөһөр. Көмөлөһүү, олоҕу харыстааһын — бу дьиҥнээх эр санааланыы оскуолата.
«ВОИН» киин күндү үлэһиттэрэ! Иннигит хоту баран иһэргитигэр, ситиһиллибитинэн тохтоон хаалбаккытыгар, күүстээх, дойдуларыгар бэриниилээх дьону бэлэмнээн, иитэн-такайан таһаараргытыгар баҕарабын. Дойдубут туһугар өссө элбэх кыайыы, ситиһии баар буола турдун.
Сиһилии: https://www.sakha.gov.ru/news/16289
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…
Саха сиригэр мэдиссиинэ көмөтүнэн байыаннай дьайыы 4 152 кыттыылааҕа туһанна. Бу туһунан СӨ доруобуйа харыстабылын…