Хаартыска: www.sakha.gov.ru
Ил Дархан Айсен Николаев өрөспүүбүлүкэ судаарыстыбаннай сүбэһитэ Вячеслав Штырову кытта көрүстэ. Кинилэр эрэгийиэн транспортнай-логистическай комплексын сайыннарыы туһунан кэпсэттилэр.
Ил Дархан тимир суолунан соҕурууҥҥу Саха сирин Мохэ куораты (Хэйлунцзян провинцията) кытта ситимниир бырайыак суолталааҕын бэлиэтээтэ. Бу эрэ иннинээҕи күн Кытайга “Один пояс – один путь” пуорумҥа бырайыак туһунан Арассыыйа бэрэсидьиэнэ Владимир Путин тыл этэригэр иһитиннэрбитэ. Эрэгийиэн баһылыга этэринэн, тырааныспар бу сырыытын тэрийии, атыыга-эргиэҥҥэ Азия-Тиихэй акыйаан эрэгийиэннэринээҕи дойдулары кытары ситим Саха сирин соҕурууҥҥу өттүнээҕи экспортын үрдэтиэҕэ.
Ону тэҥэ, өрөспүүбүлүкэҕэ массыына суолун тутуутун боппуруоһун көрдүлэр. Айсен Николаев биэс сыл иһигэр эрэгийиэҥҥэ 2,5 тыһ. км. массыына суола уонна 49 муоста тутуллубутун бэлиэтээн эттэ.
“Кэлиҥҥи сылларга Саха сиригэр тырааныспар ситимин тупсарыыга үгүс үлэ барда. Бу бары хайысханан сайдар. Федеральнай суолталаах суоллары саҥардыы уонна ситэрии үлэтэ ыытыллар, тимир суол үлэлиир, аэропортар саҥардыллаллар”, — диэн Вячеслав Штыров этэр. Кини өрөспүүбүлүкэ сирдэрин суолун ситимин тупсарыы үлэтин салгыыр ирдэнэрин ыйар.
Ил Дархан уонна Бырабыыталыстыба пресс-сулууспата.
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…
СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ…
Бу 2025 сылга Кыыллаах орто оскуолатын кыраайы уонна устуоруйаны үөрэтэр түмэлэ тэриллибитэ 55 сыла. Садот…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар. Ил Түмэн спикерэ Алексей…
«Кыайыыга бииргэ!» өрөспүүбүлүкэтээҕи хамыыһыйа суһал ыстаабыгар анал байыаннай дьайыы кыттыылаахтарыгар Саҥа дьыллааҕы бэлэхтэри түҥэтии саҕаланна.…