Айсен Николаев “Якутия, вперед!” биэриигэ сэтинньи түмүгүн таһаарыаҕа

Айсен Николаев бүгүн, ахсынньы 2 күнүгэр «Якутия 24», «Саха» НКИХ уонна «Тэтим» араадьыйа каналларыгар “Якутия, вперед!” биэриигэ тахсыаҕа.

Ил Дархан биэриигэ ый сүрүн түмүгүн кэпсиэҕэ. Кэпсэтии 2025 сылга Саха сирин судаарыстыбаннай бүддьүөтүн ороскуоттуур сүрүн чааһын туһунан барыаҕа.

Ону таһынан, Айсен Николаев тырааныспар уонна энэргиэтикэ нэдиэлэтин иитинэн ыытыллыбыт РФ тырааныспарын, энэргиэтикэтин Судаарыстыбаннай Сэбиэтин хамыыһыйатын мунньаҕын, Киргизия Өрөспүүбүлүкэтигэр үлэнэн сырыытын түмүгүн билиһиннэриэҕэ.

Ил Дархан Айсен Николаев Өлөчөй уонна Харбала-1 сэлиэнньэлэрин гаастааһынын, Петровка-Лоомтука бөһүөлэк икки ардыларынааҕы гаас ситимин тардыыны, “Кыһыл Сыыр-Мастаах” магистральнай гаас ситимин үһүс утаҕын уонна “Кыһын Саха сириттэн саҕаланар” бэстибээли ыытыыны киллэрэн туран, ааспыт ый сүрүн түгэннэриттэн сырдатыаҕа.

“Якутия 24” каналга уонна “Тэтим” араадьыйаҕа биэрии 21:00 чаастан саҕаланыаҕа. “Саха” НКИХ биэриини олохтоох бириэмэнэн киэһэ 21:45 мүн. көрдөрүөхтэрэ.

Ил Дархан уонна Бырабыыталыстыба пресс-сулууспата.