Айсен Николаев «Якутия, вперёд!» биэриигэ тохсунньу ый түмүгүн таһаарыа

Бүгүн, тохсунньу 30 күнүгэр,  «Якутия 24», «Саха» НКИХ телеханаалларынан уонна «Тэтим» араадьыйанан «Якутия, вперёд!» биэрии тахсыа.

Бырагыраама кэмигэр Ил Дархан Айсен Николаев Улуу Кыайыы 80 сылыгар, Саха сиригэр Ийэ дойдуну көмүскээччи, дойдуга Аҕа дойдуну көмүскээччи сылларыгар патриотическай иитии суолтатын туһунан бэйэтин санаатын кытта үллэстиэ.

Саха сирин баһылыга өрөспүүбүлүкэҕэ социальнай эбийиэктэри тутуу, үөрэх үлэһиттэрин тохсунньутааҕы сүбэ мунньахтарыгар туруоруллубут соруктары,  сааскы халаан уутун аһардыы тэрээһиннэрин тустарынан кэпсиэ. Кини итини сэргэ тохсунньу ый түмүктэрин таһаарыа, «Мобильнай быраастар» бырайыак олоххо киириитин кэҥэтэргэ былаанын кытта үллэстиэ. Эпиир «Саха» НКИХ телеханаалыгар уонна «Тэтим» араадьыйаҕа  киэһэ 20:00 чаастан, «Якутия 24» ханаалага олохтоох бириэмэнэн киэһэ 20:30 чаастан тахсыа.