Айсен Николаев Үөһээ Бүлүү улууһун баһылыгын кытары көрүстэ

Ил Дархан Айсен Николаев бүгүн, атырдьах ыйын 5 күнүгэр, Үөһээ Бүлүү улууһун баһылыгын Валерий Николаевы кытта көрүстэ.

Улуус баһылыга ойуур баһаарынан балаһыанньаны кэпсээтэ, улуус социальнай-экэнэмиичэскэй сайдыытын боппуруостарын дьүүллэстилэр.

Үөрэх дьылын көрсө кыһаны тутуу туһунан кэпсэттилэр.

—Оскуолалар тутуллан киирэллэрэ тупсаҕай усулуобуйаны тэрийэр. Оҕолор үөрэнэллэригэр, сайдалларыгар табыгастаах, көдьүүстээх буолуохтаах, — диэн бэлиэтиир Валерий Николаев.

Ил Дархан көрсүһүүгэ байыаннай дьайыы кыттыылаахтарыгар уонна кинилэр дьиэ кэргэттэригэр өйөбүл миэрэлэрэ оҥоһуллууларыгар болҕомтотун уурда.

Көрсүһүү түмүгэр Ил Дархан быйыл, 2024 сылга үлэҕэ киллэриллиэхтээх 165 миэстэлээх оскуоланы Боотулууга, Сургуулукка 60/30 миэстэлээх оскуола-уһуйааны, Быракааҥҥа култуура-успуорт комплексын, Үөһээ Бүлүүгэ И.Барахов аатынан култуура киинин тэтимнэрин түргэтэтэргэ соруйда.

СӨ Ил Дарханын уонна Бырабыыталыстыбатын пресс-сулууспата

Хаартыскаҕа Андрей Сорокин түһэриитэ, СИА