Хаартыска: СИА
Үөһээ Бүлүүгэ оробуочай сырыытын кэмигэр Ил Дархан Айсен Николаев Үөдүгэйгэ байыаннай дьайыы кыттыылааҕа Максимовтар дьиэ кэргэнин кытта көрүстэ.
Сэрии бэтэрээнин кэргэнэ Вилена Максимова Үөһээ Бүлүүтээҕи успуорт оскуолатыгар үлэлиир. Максимовтар дьиэ кэргэн 2 оҕолоохтор — Далаана уонна Максим. Кини кэргэнэ эрдэ ВДВ сулууспалаабыт, оттон 2022 сыл балаҕан ыйыгар мобилизацияламмыт. Кыһын уоппускаҕа кэлэ сылдьыбыт.
«Ыам ыйыгар Үөһээ Бүлүү улууһун баһылыга Валерий Николаев буойуттары кытта көрсөн, дьиэ кэргэттэриттэн аадырыстаах баһыылкаларын туттарбыта. Бииргэ сулуспалааччылара биһиги байыаспытын убаастыыллар: кини мэлдьи кинилэргэ көмөҕө кэлэр, командир уҥа илиитинэн буолбут. Хорсун быһыы уонна бэйэни харыстаммат буолуу иһин байыаннай сулууспалааччы«За укрепление боевого содружества» мэтээлинэн наҕараадаламмыт. Байыас кэргэнэ бары төлөбүрдэри кэмигэр ыларын туһунан үллэһиннэ. Кини Үөдүгэй нэһилиэгин дьаһалтатыгар улаханнык махтанар, үлэһиттэр бары өттүнэн мэлдьи көмө оҥоро тураллар. Дьиэ кэргэн кыстыкка бэлэмнэнэр, билигин өрөмүөн үлэтэ ыытылларыгар көмөҕө эрэнэллэр. Улуус дьаһалтатыгар бу боппуруоһу быһаарыыга көмөлөһөргө сорудахтаатым», — диэн Ил Дархан ТГ-ханаалыгар суруйда. Байыас кыыһа уонна уола Айсен Николаевка бэйэлэрэ оҥорбут былааҕы бэлэхтээтилэр.
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…