Хаартыска: sakha.gov.ru
Москваҕа патриотическай иитиигэ туһуламмыт «Разговоры о важном для взрослых» диэн уокуруктааҕы үөрэтэр сэминээр иккис күнэ саҕаланна. Тэрээһин саҕаланыытыгар Ил Дархан Айсен Николаев ыччаты иитиигэ эрэгийиэннээҕи быраактыка туһунан кэпсээтэ.
Айсен Николаев сэминээргэ Саха сириттэн 36 киһилээх улахан дэлэгээссийэ кэлэн кытта сылдьарын иһитиннэрдэ. Эрэгийиэҥҥэ үүнэр көлүөнэни кытары үлэ ыытыллыытыгар улахан болҕомто уурулларын бэлиэтээтэ. Элбэх бырайыактар үлэҕэ киирбиттэрин туһунан эттэ. Холобур, өрөспүүбүлүкэ үөрэҕириитин тэрилтэлэригэр 2019 сылтан оҕолор өрөгөй ырыатын толороллор. Маны таһынан эрэгийиэҥҥэ оҕолорго аналлаах «Мы – будущее России» бырайыак үлэлиир. Өрөспүүбүлүкэ араас оскуолаларын оҕолоро бэйэ-бэйэлэрин кытары роликтарынан атастаһаллар. Онон, Саха сиригэр үлэлиир бырайыагы Арассыыйа эрэгийиэннэрин оскуолаларын оҕолоро олус сэҥээрдилэр.
Ил Дархан Айсен Николаев иһитиннэрбитинэн, Арассыыйа 89 эрэгийиэнэ, ол иһигэр ДНӨ уопсайа 4,5 тыһыынча үөрэнээччи кыттан, үлэлэрин ыыппыттар. Оттон MUUS uSTAR бэстибээл тыһыынчанан ыччаты түмэр. Манна креативнай, талааннаах ыччаттар кытталлар.
Айсен Николаев Арассыыйаҕа патриотическай сайдыыга улахан болҕомто ууруллуохтааҕын уонна ыччаты патриотическай иитиигэ туһуламмыт бырайыактар элбиэхтээхтэрин эттэ.
Ил Түмэн XV (уочараттаах) пленарнай мунньаҕар норуот дьокутааттара «СӨ үөрэх туһунан» өрөспүүбүлүкэтээҕи сокуон 17 уонна…
Бүгүҥҥү Ил Түмэн 15-с уочараттаах пленарнай мунньаҕар Судаарыстыбаннай Дуума дьокутаата Галина Данчикова кыттыыны ылла. Кэлэр…
Тууһу аһылыкка эрэ туттубаттар. Туус тулалыыр эйгэттэн үчүгэйи-куһаҕаны, араас эниэргийэни бэйэтигэр оборон ылар идэлээх. Ол…
Ил Түмэн пленарнай мунньаҕар норуот дьокутааттара «Саха Өрөспүүбүлүкэтин 2026 сыллааҕы уонна 2027-2028 сс. былааннаммыт кэмигэр…
Бүгүн Ил Түмэн уочараттаах мунньаҕар 41 боппуруоһу көрдүлэр. Билиҥҥи уустук балаһыанньаҕа СӨ 2026 сыллааҕы бүддьүөтэ…
Ил Түмэн уон бэһис (уочараттаах) пленарнай мунньаҕар Саха Өрөспүүбүлүкэтин административнай кэһиилэр туһунан Кодексатыгар уларытыылары киллэрии…