Хаартыска СИА, Андрей Сорокин
Ил Дархан Айсен Николаев бүгүн, от ыйын 4 күнүгэр, «Үлэ киһитэ» бириэмийэ хаһаайына, Үлэ Дьоруойа Илья Спиридонов аатынан таба иитэр хаһаайыстыба дириэктэрэ Роман Туприны кытта көрүстэ.
Күн бүгүн Анаабыр долган-эбэҥки национальнай оройуонугар 23 тыһыынча кэриҥэ таба баар. Мантан 14 тыһыынчата Үлэ Дьоруойа Илья Спиридонов аатынан таба иитэр хаһаайыстыбаҕа. Туһааннаах хаһаайыстыба 54 табаһыттаах уонна 28 чум үлэһиттээх.
Роман Туприн Ил Дарханы кытары көрсүһүү кэмигэр долган табатын тэнитии бырайыагын билиһиннэрдэ. Ол курдук Анаабыр оройуонун дьаһалтатын уонна Арктикатааҕы судаарыстыбаннай агротехнологическай университеты кытары туһааннаах боппуруоһунан бииргэ үлэлээһиҥҥэ дуогабар түһэрсиллибит. Бүгүҥҥү туругунан өрөспүүбүлүкэҕэ түөрт араас боруода таба баар. Долган боруодата бэһис көрүҥүнэн буолуоҕа.
Айсен Николаев Туприн этиитин биһирээтэ уонна бырабыыталыстыба өттүттэн бырайыагы олоххо киллэриигэ көмө оҥоһуллуоҕа диэтэ.
Көрсүһүү кэмигэр таба хаһаайыстыбатын салайааччыта каадыр боппуруоһун таарыйда. Итини таһынан Роман Туприн судаарыстыбаннай наҕараадаҕа түһэриигэ болҕомтону уһун кэмҥэ табаны, сүөһүнү иитиигэ үлэлии сылдьар дьоҥҥо уурарга эттэ.
«Табаны иитии өрөспүүбүлүкэҕэ сайдан иһэр. Салааҕа үбүлээһин кээмэйэ улаатта. Ол да буоллар, болҕомто киинигэр ылыллар боппуруостар бааллар», – диэтэ Айсен Николаев.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…