Айсен Николаев үрүҥ эһэни мониторинныыр эспэдииссийэҕэ кытынна

Ил Дархан Айсен Николаев «Медвежьи острова» судаарыстыбаннай заповедник сиригэр-уотугар үрүҥ эһэни үөһээттэн мониторинныыр ураты эспэдииссийэҕэ кытынна. Бу туһунан кини телеграм-канаалыгар иһитиннэрдэ.

«Эспэдииссийэ кэмигэр биһиги үрүҥ эһэҕэ спутниковай моойторугу кэтэртибит. Бу эһэни эспэдииссийэ кыттыылаахтара Сахаяна диэн ааттаатылар. «Экологическое благополучие» национальнай бырайыак көмөтүнэн, учуонайдар кини хамсааһынын, миграциятын хайысхатын уонна уопсайынан Арктика символын — үрүҥ эһэни харыстааһыҥҥа туох миэрэлэри ылыахха сөбүн үөрэтиэхтэрэ», — диэн Айсен Николаев суруйар.