Хаартыска: Айсен Николаев ТГ-ханаалыттан
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа» поэзия бэстибээлин кыттааччыларын уонна ыалдьыттарын кытта көрүстэ.
«Бэстибээл — биһиги национальнай култуурабытын байытар норуоттар икки ардыларынааҕы култуураны атастаһыыга суолталаах былаһаакканан буолар. Дьокуускайга Кытайтан, Бразилиятан, Монголияттан, Ирактан, Казахстантан уонна Арассыыйа араас эрэгийиэннэриттэн поэттар кэллилэр. Кинилэри тылга таптал уонна Саха сирин култууратыгар ис сүрэхтэн интэриэс ситимниир. Литература мэлдьи биһиги култуурабыт сүрэҕэ этэ. Онно норуот майгыта-сигилитэ, тыла уонна кута-сүрэ иҥэн сылдьар. Ол иһин биһиги суруйааччылары көхтөөхтүк өйүүбүт, кинигэлэри таһаарабыт, өрөспүүбүлүкэбит саамай ыраах муннуктарыгар тиийэ бибилэтикэлэри сайыннарабыт. Тылбаастар ураты суолталаахтар. саха литературата өрөспүүбүлүкэ таһыгар биллэригэр, аан дойдуга биһиги уратыбытын арыйарыгар көмөлөһөллөр, ону сэргэ саха дьонугар аан дойду литературатын бастыҥ айымньыларын төрөөбүт тылларынан билсэр кыаҕы биэрэллэр.
Тылбаас нөҥүө хас биирдии киһи бэйэтин тылын, култууратын кытта ситимин сүтэрбэккэ, аан дойдуну атын норуоттар харахтарынан көрөр кыахтанар. Бу бэстибээл айар кынаты, саҥа санаалары уонна махталлаах ааҕааччылары бэлэхтээтин. Хас биирдии кыттааччыга чаҕылхай өйдөбүллэри уонна саҥа арыйыылары баҕарабын!», – диэн Айсен Николаев бэйэтин ТГ-ханаалыгар суруйар.
Санатан эттэххэ, VIII Норуоттар икки ардыларынааҕы «Үрүҥ хаар алгыһа» бэстибээл Дьокуускайга алтынньы 14 күнүттэн 16 күнүгэр диэри ыытыллыаҕа. Тэрээһин аан бастаан 2012 сыллаахха ыытыллыбыта, онтон ыла икки сылга биирдэ РФ норуоттарын, СНГ уонна тас дойдулар литератураларын кытта сибээһи бөҕөргөтүүгэ, Саха сирин норуоттарын ааптардарын айымньыларын тарҕатыыга, тылбаас дьыалатын сайыннарыыга уонна саха литературатын саҕахтарын кэҥэтиигэ туһуланар.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Алтынньы 7-9 күннэригэр Саха сирин Биир кэлим ресурснай киинэ биэс сыллаах үбүлүөйүн чэрчитинэн «Бигэ сайдыы…