Андрей Сорокин хаартыската, СИА.
Бүгүн, ахсынньы 3 күнүгэр, Айсен Николаев «Үтүө санаа харыйата» аһымал аахсыйаны аһан, бастакынан кытынна. Ил Дархан бырааһынньыктар иннинэ Өрөспүүбүлүкэтээҕи дьиэ кэргэҥҥэ оҕону иитэргэ көмө оҥорор киин иитиллээчитэ түөрт саастаах Элиза уонна 22-с №-дээх коррекционнай оскуола иккис кылааһын үөрэнээччитэ Петя баҕа санааларын толордо.
Бу аахсыйа тэриллиэҕиттэн Айсен Николаев сыллата кыттыыны ылар. Аахсыйа бастакытын 2015 сыллаахха ыытыллыбыта.
«Бу үтүө үгэс буолбут аахсыйа тохсус төгүлүн ыытыллар. Биллэн турар, маны өйүүрү мин иэспинэн ааҕынабын, оҕолору үөрдэр буоллахпыт. Быйыл оҥорбут бэлэхтэрбин кырачаан кыыс уонна уол сөбүлүөхтэрэ диэн эрэнэбин. Түгэнинэн туһанан, саҥа дьыллааҕы бырааһынньыктааҕы күннэр иннилэринэ бары кэлэн аахсыйаҕа кыттаргытыгар ыҥырабын», — диэн Айсен Сергеевич этэр.
«Үтүө санаа харыйатыгар» оҕо дьиэлэриттэн, доруобуйаларыгар хааччахтаах оҕолор үөрэнэр оскуолаларыттан баҕа санаалары хомуйан ыйыыллар. Быйыл аахсыйа ахсынньы 28 күнүгэр диэри ыытылар. Маннык харыйалар бары улуустарга турдулар. Дьокуускайга Кальвица уонна Дзержинскэй уулуссаларыгар турар «Бубль Гум» маҕаһыыннарга баар.
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…