Бүгүн Ил Дархан Айсен Николаев Саха сирин олохтоохторугар туһаайыы этиилээх таҕыста.
Ытыктабыллаах Саха сирин олохтоохторо! Бар дьонум!
Кулун тутар 15 — 17 күннэригэр биһиги быыбарга кыттабыт, ол онтон биһиги дойдубут инникитэ быһаччы тутулуктаах.
Дойдуга үөскээбит билиҥҥи уустук кэмҥэ биһиги бары биир сомоҕо буолуохтаахпытыгар мин итэҕэйэбин. Биһиги өйбүтүн-санаабытын барытын биир күүскэ — чугас дьоммут, төрөөбүт дойдубут туһугар түмэрбитигэр итэҕэйэбин. Маннык күүс Арассыыйаҕа баар. Биһиги лиидэрбит, биһиги Бэрэсидьиэммит кытаанах санаата, дьулуура биһиэхэ эрэли үөскэтэр.
Дойду Аҕа баһылыгын тус өйөбүлүнэн, кини Саха сиригэр хайдахтаах курдук тыйыс усулуобуйаҕа олорорбутун өйдүүр, билэр буолан, биһиги өрөспүүбүлүкэбитигэр элбэх үлэ оҥоһулунна. Өрөспүүбүлүкэ национальнай бырайыактары олоххо киллэриигэ федеральнай бүддьүөттэн үбүлээһини ылыыга Арассыыйаҕа төрдүс миэстэҕэ сылдьар. Бу саҥа эбийиэктэр, олорор дьиэлэр, суоллар, Саха сирин олохтоохторугар үлэ миэстэлэрэ. 2018 сылтан алта сыл иһигэр Саха сиригэр 329 улахан социальнай эбийиэктэр тутулуннулар. Бу барыта дьон олоҕун таһымын үрдэтэргэ, куораттар, сэлиэнньэлэр сайдыыларыгар төһүү күүһүнэн буолар. Маннык тэтимнээх үлэ биһиэхэ хаһан да буола илигэ.
Билигин биһиги өссө даҕаны элбэҕи оҥоруохтаахпыт. Бэрэсидьиэн Анал этиитигэр дойду эрэллээхтик сайдыытыгар күүстээх хайысханы ыйбыта, ол аата биһиги өрөспүүбүлүкэбитигэр эмиэ! Саамай кылаабынайа болҕомто киинигэр — хас биирдии киһи этэҥҥэ буолуута, дьиэ кэргэн дьоллоох буолуута.
Биһиги бииргэ инникитин төрөөбүт Сахабыт сирин, Арассыыйа биир күүстээх эрэгийиэнин, салгыы сайыннарыахпыт диэн бүк эрэллээхпин. Биһиги өссө күүһүрүөхпүт, дойдубутугар бэриниилээх буолан патриотизм үгэстэрин салҕыахпыт. Биһиги сыалбыт биир — биһиги инники олохпутун, биһиги улуу дойдубут инникитин түстүүбүт.
Өрүү буоларын курдук, мин булгуччу куоластааһыҥҥа кыттабын.
Күндү биир дойдулаахтарым!
Улуу Ийэ дойдубут Арассыыйа туһугар быыбарга биир сомоҕо буоламмыт, бигэ тирэхпит туһугар куоластыахха! Дойдубут Бэрэсидьиэнинэн күүстээхтэн күүстээх санаалаах, бастыҥтан бастыҥы талыахха! Кэскилбит туһугар – бииргэ!
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…