Хаартыска: www.sakha.gov.ru
Ытыктабыллаах Саха сирин олохтоохторо! Күндү ювелирнай уонна алмааһы кырыылыыр бырамыысыланнас үлэһиттэрэ, бэтэрээннэрэ!
СӨ салалтатын уонна тус бэйэм ааппыттан эһигини идэлээх бырааһынньыккытынан – Ювелирнай уонна алмааһы кырыылыыр бырамыысыланнаһын үлэһиттэрин күнүнэн истиҥник эҕэрдэлиибин! Үлэҕитигэр бэриниигит, сатабылгыт иһин хас биирдиигитигэр махталбын биллэрэбин.
Саха сиригэр ювелирнай ускуустуба биһиги норуоппут олоҕун кытта ыкса ситимнээх дириҥ устуоруйалаах. Бу эйгэҕэ үлэлээн эһиги ураты үгэһи хааллараҕыт, үксэтэҕит, ураты көстүүлээҕинэн, эгэлгэтинэн дьону сөхтөрөр ускуустуба дьиҥнээх айымньытын айан таһаараҕыт. Эһиги оҥоһуктаргыт таптал, эрэл уонна доҕордоһуу бэлиэтинэн буолаллар, уратыны, истиили көрдөрөллөр.
Эһиги сыраҕыт көмөтүнэн Саха сирэ бүтүн дойдуга уонна норуоттар икки ардыларынааҕы түһүлгэҕэ ювелирнай ускуустуба биир киинин быһыытынан, оттон биһиги алмааспыт урут-уруккуттан хаачыстыбалааҕынан, эрэллээҕинэн биллэр.
Эһиги сыралаах үлэҕит уонна үрдүк маастарыстыбаҕыт өрөспүүбүлүкэ социальнай-экэнэмиичэскэй сайдыытыгар биллэр кылааты киллэрэр. Ааспыт сылга өрөспүүбүлүкэҕэ 675 мөл. солк. тахса суумалаах көмүс оҥоһук оҥоһулунна, ол иһигэр бриллианнаах – 116,5 мөл. солк. Саха сиригэр ювелирнай-кырыылыыр кластер үлэтин салгыыр, олохтоох хампаанньалары өрө таһаарар соруктаах быыстапкалар ыытыллаллар, ол иһигэр тас дойдуларга.
Ол да буоллар тустаах салааны салгыы сайыннарарга кэккэ боппуруостары быһаарар ирдэнэр. “СӨ олохтоох оҥорон таһаарыыны уонна туризмы сайыннарыы туһунан” ыйаахпар ювелирнай-кырыылыыр оҥоһук кээмэйин 2023 сылы кытта тэҥнээтэххэ 2030 сылга сэттэ төгүл үрдэтэр туһунан соругу туруорбутум.
Бу соругу ситиһэр туһугар, бастатан туран, оҥорон таһаарыы ороскуотун уонна болдьоҕун кыччатан, үрдүк хаачыстыбалаах бородууксуйаны оҥорон таһаарар инниттэн уларытыылары, саҥа технологиялары киллэриигэ болҕомто уурарбыт ирдэнэр. Ону тэҥэ, саамай киэн туттуллар бырайыактары олоххо киллэрэр кыахтаах исписэлистэринэн хааччыллар туһугар үрдүк таһымнаах каадыры бэлэмнээһин боппуруоһугар үлэлэһиэхпит. Ону таһынан, уопут атастаһар уонна бастыҥ холобуру олоххо киллэрэр инниттэн тас дойдуттан бииргэ үлэлэһээччилэрбитин кытта ситими сайыннарар толкуйдаахпыт. Бу биһиги оҥоһуктарбыт таска тахсар кыахтарын үрдэтиэҕэ уонна Саха сирэ аан дойду ырыынагар турар үктэлин бөҕөргөтүөҕэ. Биһиги талааннаах дьоммут маны ситиһэллэригэр эрэнэбин!
Күндү доҕоттор! Эһиги – бу салаа саҥа саҕаҕын арыйар үгэһи салҕааччыларгыт, саҥаны айааччыларгыт.
Үлэҕитигэр ситиһиилэри, эйэни, сайдыыны баҕарабын! Эһиги ускуустубаҕыт салгыы даҕаны аан дойуну киэргэтэ, дьон үөрүүтүн үксэтэ турдун!
СӨ Ил Дархана Айсен Николаев.
Анал байыаннай дьайыы саҕаланыаҕыттан Саха сирин быраастара байыаннайдарга уонна кинилэр дьиэ кэргэттэригэр мэдииссиинэ көмөтүн оҥоороллор.…
Бүлүү улууһун араас көрүҥнээх хаһаайыстыбалара кыстыкка киирэн олороллор. Ол курдук, сүөһү, сылгы кыстыгар анаан быйыл…
Бүгүн сарсыарда 04.48 чааска Бороҕон сэлиэнньэтин баһаарынай чаас диспетчеригэр Уус Алдан улууһун Бороҕон сэлиэнньэтигэр уот…
Ил Түмэн тохсус ыҥырыылаах пленарнай мунньаҕар бүгүн, алтынньы 23 күнүгэр, норуот дьокутааттара «Саха Өрөспүүбүлүкэтигэр тыл…
Модут нэһилиэгин ийэлэрин, эбэлэрин «Ситим» үҥкүү бөлөҕө 2016 сыллаахха тэриллибитэ. Салайааччынан олохтоох кулууп хореограба Маргарита…
Бу күннэргэ 68 саастаах преподаватель-искусствовед смартфонугар сыһыарыы хачайдаан, 2 мөлүйүөн солкуобай кэриҥэ харчытын сүтэрдэ. Киниэхэ…