Хаартыска: А.Сорокин (СИА)
Ил Дархан Айсен Николаев бүгүн, от ыйын 19 күнүгэр, Жатай бөһүөлэккэ сырыытын чэрчитинэн Корзинников аатынан уулуссаҕа -– тутулла турар Жатайдааҕы судоверфьга киирэр суол бастакы учаастагар суол үлэтин хаамыытын билистэ.
Манна 621 миэтэрэ уһуннаах суол өрөмүөннэнэр. Айсен Николаев стратегическай суолталаах Жатайдааҕы судоверфь тутуллуутун бырайыагын олоххо киллэрэргэ бу учаастакка суол үлэтин хаачыстыбалаахтык оҥоруу суолтатын бэлиэтэтэ.
«Үлэни былырыыҥҥыттан саҕалаабыппыт, кыһын кырыһы уларытыынан дьарыктаммыппыт. Олохтоох өрөмүөнү 2024 сыл алтынньытыгар бүтэрэргэ былаанныыбыт. Билигин уу сүүрэр лотуоктары, болдьуурдары уонна киһи сылдьар суолун оҥоруу үлэтэ бара турар. Уот-күөс ситимин таҥыы түмүктэннэ. Үлэ барыта былаан быһыытынан баран иһэр», -– диэн «РИК Автодор» АУо генеральнай дириэктэрин солбуйааччы Николай Сивцев иһитиннэрдэ.
Жатай бөһүөлэк баһылыга Евгения Исаева олохтоох өрөмүөн бүттэҕинэ суол суоппардарга уонна сатыы сылдьар дьоҥҥо табыгастаах буоларыгар эрэнэрин биллэрдэ. Кини бу учаастакка олохтоох өрөмүөн ыытыллара ирдэниллибитин, тоҕо диэтэххэ, бу суолунан улахан таһаҕастаах массыыналар сылдьалларын санатта.
Салгыы Севернай уулусса (судоверфь учаастагар уонна уопсай дьиэҕэ киирэр) түһүмэҕинэн өрөмүөннэнэрэ былааннанар.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…