Айсен Николаевы кытта быһа лииньийэ балаҕан ыйын 27 күнүгэр буолуоҕа

Балаҕан ыйын 27 күнүгэр Ил Дархан Айсен Николаев быһа лииньийэни ыытыаҕа. Кини Саха сирин олохтоохторун долгутар ыйытыыларга хоруйдуоҕа. Бу туһунан кини бүгүн «Прямой разговор» биэриигэ иһитиннэрдэ.

Трансляция кэлэр субуотаҕа 19 чаастан буолуоҕа.

«Үгэс быһыытынан Судаарыстыбаннас күнүгэр быһа эпииргэ тахсан, Саха сирин олохтоохторун долгутар ыйытыыларга хоруйдуоҕум. Теле-ханааллар телеграм-боттар нөҥүө ыйытыылары хомуйаллара буолуо. Билигин өссө МАХ сыһыарыыны туһаныахха сөп. Онон ыйытыылары күүтэбит», — диэтэ Айсен Николаев.