Айсен Николаевы кытта “Быһа лииньийэҕэ” Саха сирин олохтоохторуттан 470-тан тахса ыйытыы киирдэ

Саха Өрөспүүбүлүкэтин Судаарыстыбаннаһын күнүгэр балаҕан ыйын 27 күнүгэр ыытыллыахтаах Айсен Николаевы кытта “Быһа лииньийэҕэ” ыйытыылары хомуйуу бара турар. Балаҕан ыйын 23 күнүнээҕи туругунан, хайыы үйэ 474 ыйытыы киирдэ, диэн Эрэгийиэни салайыы киинэ (ЦУР)  иһитиннэрэр.

Бу киин чахчытынан, колл-киин нөҥүө 209, телеграм-бот чаатынан 265 ыйытыы киирбит. Дьокуускай Нерюнгри, Алдан куораттарыттан, Абый, Ленскэй, Мииринэй, Орто Халыма оройуоннарыттан үгүс ыйытыы бэриллибитэ бэлиэтэннэ.

Үгүстүк көрсүллэр тиэмэлэринэн хаарбах дьиэттэн көһөрүү, эбийиэктэри тутуу, тырааныспар уонна суол хаһаайыстыбата, дьиэ-уот уонна энергетика хаһаайыстыбата, үөрэх, социальнай төлөбүрдэр буолаллар.

Эпиир балаҕан ыйын 27 күнүгэр олохтоох бириэмэнэн 19.00 саҕаланыаҕа. Ил Дархан ыйытыыларга хоруйдуоҕа, эрэгийиэн сайдыытын саҥа соруктарын кэпсиэҕэ.

Эпиири “Саха” НКИК, “Якутия 24”, “Россия 24” көрдөрүөхтэрэ. “Тэтим”, “Радио России”, “Виктория Саха”, “СТВ-радио”истиҥ уонна  Айсен Николаев социальнай ситимнэринэн ааҕыҥ.

Ыйытыыларгытын Саха сирин ЦУР-га Telegram @voprosGlaveYakutii_bot эбэтэр колл-кииҥҥэ маннык нүөмэринэн: 8 (4112) 506-006. Колл-киин үлэлиир кэмэ: 09:00 чаастан 18:00 диэри.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Сиһилии: https://www.sakha.gov.ru/news/12261