Айсен сайыны быһа сибэккилэрин бүөбэйдээтэ

Сыл аайы Бэрдьигэстээххэ түөлбэлэр сибэккинэн киэркэйэн тураллара дьон хараҕын сымнатар, кэрэни кэрэхсэтэр, санааны астыннарар.

«Улуус киинин биир тарбахха баттанар «Сардаҥа» түөлбэтин олохтооҕо, Афанасий Осипов аатынан оскуола 6 «в» кылааһын үөрэнээччитэ Айсен Никифоров быйыл сайын бэс ыйын ортотуттан көрөн-истэн үүннэрбит сибэккилэрэ былаһаакка көстүүтүн олус тупсарда. Уолчаан кыра бэйэтэ бэрт туһалаах үлэни оҥордо. Былаһааккабыт сибэккинэн симэнэн турара көрүөххэ үчүгэйин эриэхсит, көрө-көрө киһи сүргэтэ көтөҕүллэр! Маннык үтүө майгылаах, сахалыы сиэрдээх оҕолор баар буолан, түөлбэбит сыллата тупсар-сайдар, киэркэйэр. Айсентан холобур ылан, оҕолор үтүө дьыалаҕа ылсан иһиэхтэрэ диэн эрэнэбит», — диэн «Сардаҥа» түөлбэ актыыба «Саха сирэ» саайтка анаан сырдатта.