Салгыы
Айсен Соловьев: «Үлэ сылынан биллэрбитин астына иһиттибит»

Айсен Соловьев: «Үлэ сылынан биллэрбитин астына иһиттибит»

20.12.2022, 19:32
Бөлөххө киир:

Ил Дархан Айсен Николаев 2023 сылы Үлэ сылынан биллэрбитин сэргии иһиттилэр.

Бэйэтин санаатын Анал этиигэ «Арассыыйа устудьуоннарын этэрээтэ» Саха сирин устудьуоннарын этэрээтин эрэгийиэннээҕи ыстаабын бэрэссэдээтэлэ Айсен Соловьев үллэстэр:

— Ил Дархаммыт Айсен Николаев кэлэр 2023 сылы Үлэ сылынан биллэрбитин астына иһиттибит. Бу биһиэхэ олус улахан суолталаах. Биһиги, устудьуоннар, өрөспүүбүлүкэ сайдыытыгар бэйэбит кэккэ кылааппытын киллэрэбит. Уопсайынан судаарыстыбаннай ыччат бэлиитикэтин олоххо киллэриигэ уонна ыччаты сайыннарыыга үлэлэһэбит диэххэ сөп. Эһиил  устудьуоннар этэрээттэрэ бу 50 сыл устата тугу ситиспиттэрин, оҥорбуттарын түмүгүн таһааран таһаарыылаах үлэни көрдөрөр эппиэтинэстээх сылбыт.

Кэлэр сылга сүрүн болҕомтобутун ыччаты үлэнэн иитиигэ ууруохпут уонна кыра оҕолору, үрдүкү кылаас оҕолорун кытары үлэни күүһүрдүөхпүт. Итини таһынан үгүстэрбит сүрүннээн тыа хаһаайыстыбатын, бырамыысыланнас, тутуу хайысхаларыгар үлэлиэхтэрэ. Биһиги тутар этэрээттэрбит национальнай бырайыактары олоххо киллэрэргэ бөдөҥ эбийиэктэри тутууга эмиэ үлэлэһэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 апреля
  • 7°C
  • Ощущается: 5°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: